Pancake House HoiHoi (荃新天地) (Closed)

鍾意食日本pancake嘅吃貨，一定有聽過呢間名古屋過江龍嘅pancake店！終於喺香港開分店，我當然不能錯過啦！-抹茶忌廉刨冰呢個CP值好高，抹茶控必食，係抹茶山呀🥰份量大到兩個人都食唔哂。抹茶味好濃，同忌廉都好夾，再加上涼涼的刨冰，消暑解渴的佳品～～另外仲有抹茶嘅好朋友-紅豆，紅豆份量也不少，甜甜地再加抹茶同刨冰，層次豐富。-夏威夷班戟漢堡配芝士呢個好有新鮮感！以班戟代替麵包嘅漢堡包，都係第一次食！班㦸口感好鬆軟，少少甜，但同鹹食非常夾！漢堡係採用自家手打嘅牛肩肉，咬落非常Juicy，牛味都幾濃郁，再加上新鮮嘅蔬菜、焦糖洋蔥同微溶又惹味嘅芝士，整體口感好豐富，必試！另外仲有幼身薯條，份量都幾多，外脆內軟又香口，薯條加漢堡包真係Perfect match，基本上都夠飽～-牛奶抹茶拉花好趣致，加咗個笑哈哈，望完心情都好好！抹茶味都好濃郁，唔會比奶味蓋過，口感綿密，而且亦都唔會太甜。-焙茶牛奶拉花好有驚喜！估唔到焙茶牛奶都能夠拉到咁仔細嘅latte art!焙茶味都幾Rich，同奶味都幾balance，甜度適中，就算食完甜品再飲呢杯飲品都唔會覺得膩。