308
48
9
Exit A1, Tsuen Wan West MTR Station, Exit D, Tsuen Wan West MTR Station
continue reading
Telephone
23833860
Introduction
A Japanese restaurant from Nagoya, famous for its Hawaiian-style pancakes made with high-quality Japanese ingredients. In addition to the sweet souffle pancakes, there are also savoury dishes such as pancake burgers, Taco rice, and spaghetti.
continue reading
Opening Hours
Today
11:30 - 22:00
Mon - Fri
12:00 - 22:00
Sat - Sun
11:30 - 22:00
Public Holiday
11:30 - 22:00
Above information is for reference only. Please check details with the restaurant.
Recommended Dishes
Pancake House HoiHoi是日本過江龍，是受食客追捧的人氣班戟專門店，招牌的夏威夷風味班戟，是採用日本原材料製作的，完美複雜日式風味。香港店充滿少女心，明亮的燈光，以木系小清新為主調，並加入綠色植物元素，安坐在舒適位置，品嚐甜美的梳乎厘班戟，幸福感滿滿。安格斯牛扒配薯條 牛扒肥美嫩紅，七成熟肉質，緩緩切開，肉香撲鼻而來，令人食慾大開。入口微微焦香，軟腍多汁，豐盛的肉汁在口散發，牛香味濃，沾上燒汁，是誘人滋味。薯條是從薯仔切條批出，粗身綿密，份量十足。鐵板名古屋茄汁海蝦腸片意粉 意粉以鐵板盛上，以一片薄薄的香煎蛋皮墊底，配料豐富，使意粉保持濕潤，令人垂涎。蝦肉彈牙，鮮味吸引，每條意粉都掛滿酸甜蕃茄汁，夾合香腸片，每口意粉都伴著鮮味，簡單滋味。 楓糖忌廉夏威夷班戟 三層班戟即點即製，表面鋪上柔滑的楓糖忌廉，令人食指大動。綿彈的質感，入洋溢陣陣蛋香，吃完滿咀奶香味，香甜窩心。草莓梳乎厘班戟 震騰騰的梳乎厘，充滿空氣感，被奶滑的草莓忌廉覆蓋著。質感軟綿綿，香濃的蛋香，再沾上鬆軟的忌廉，蜜甜絲滑，伴以鮮甜的草莓果肉，令人甜絲絲。草莓沙冰沙冰濃稠，拌勻後清爽解渴，清新草莓酸香充滿口腔，十分迷人。音樂家系列手沖咖啡購買任何食品，可以優惠價$30換購手沖咖啡，款式由扭蛋命運決定，咖啡師用V60 or Aeropress沖煮精品咖啡，精神一振。音樂家系列都是SHB等級的高海拔極硬豆，抽中了莫札特口味，以士多啤梨、玫瑰、茶花、葡萄及綠茶香為主，風味十足，呷一口雜合水果甜香、醇厚茶香，甘香中沁出淡淡果酸味，別有一番新意。
continue reading
Pancake House HoiHoi📍荃灣楊屋道1號荃新天地1樓117號舖對上一次嚟Hoi Hoi食pancake原來已經係年頭嘅事，難得今日同朋友去到荃灣，又咁啱見到咁耐無食過嘅Hoi Hoi，當然要去回味一下，同試下佢哋嘅新品啦！之前一路都未去過荃灣分店，想喺度特別稱讚一下一位戴眼鏡嘅店員，佢唔單止有良好嘅服務態度，而且非常友善同有耐性咁講解每道菜式要留意嘅地方，笑容可掬，咁樣嘅服務態度絕對會令顧客回頭幫襯！ 💰$438超豐盛Hoi Hoi Set 2人前 👩🏻❤️👨🏻呢個二人餐真係超豐盛，有齊餐湯、甜品、飲品同兩款主菜，真係少啲食力都唔得！餐湯係固定款嘅煙肉薯茸湯，煙肉同薯仔都已磨成碎碎，整體口感幼滑濃香，能食到幼沙般嘅薯茸，餐前開胃一人一客，份量啱啱好。主菜有分A、B兩部分，朋友揀咗A嘅漢堡塔，而我就揀咗B嘅大阪燒比薩，兩樣都份量十足，兩個人食有少少吃力，好彩味道都幾好，最終都能成功挑戰(自稱)大胃王！漢堡塔 🍔呢個漢堡塔literally就係用漢堡扒堆成高搭，一個漢堡有足足三大塊嘅漢堡，造型真係十分吸睛！因為係牛肉嘅關係，朋友只好一人挑戰呢個漢堡塔，中間仲要夾有煙肉、芝士、洋蔥、醬汁等，好彩有比較清新嘅生菜同蕃茄片中和一下油膩感，如果唔係加埋脆卜卜嘅酥炸薯條，相信要一個人獨食一份都頗有難度！佢嘅漢堡扒係傳統日式嘅口味，帶有微微嘅洋蔥香氣，每塊都鎖住滿滿嘅肉汁，認真大滿足。加上佢咁巨型嘅size同獨特嘅賣相，我哋見當日每一檯都有叫一份嚟食，真係好受歡迎呢！大阪燒比薩 🍕我喺B選項當中揀咗餐廳新品大阪燒比薩，估唔到會有咁大驚喜！原因係睇menu圖片嘅時候，我哋都無見到原來pizza上面係鋪滿日式炒麵，所以嚟到切開嘅時候都有少少嚇親！呢個大阪燒比薩性價比好高，一次過可以食到大阪燒同pizza，而且味道同正宗日式大阪燒都非常接近，加埋經烤焗過而變得脆卜卜嘅麵條，咁有新意嘅料理真係值得一試！夏威夷果仁忌廉夏威夷班戟 🥞甜品方面，我哋今次揀咗佢哋嘅招牌Hawaiian pancake，口味則揀咗朋友最愛嘅夏威夷果仁。我想講，大家有機會嚟Hoi Hoi，真係必定要叫返個Hawaiian pancake嚟食，因為真係超級香甜鬆軟，食過包你返尋味！我哋揀嘅呢款夏威夷果仁忌廉口味唔會好甜，發打至軟身嘅輕盈忌廉滿滿蓋住熱辣辣嘅pancake，一切開就冒出香噴噴嘅煙，真係非常誘人。鋪滿喺pancake面嘅係切成粒狀嘅夏威夷果仁，佢脆脆嘅口感同pancake形成強烈嘅對比，估唔到又會咁夾喎。 💰$30 (套餐加配價)手沖咖啡 ☕️ 今次仲可以$30加配一杯咖啡師即場沖嘅手沖咖啡，而且仲有遊戲玩添。落咗單叫手沖咖啡後，店員會俾一個扭蛋機代幣你，你可以去到咖啡師面前嘅扭蛋機，以扭蛋形式抽取以四位著名音樂家命名嘅其中一款咖啡豆，即場睇住咖啡師沖泡咖啡。雖然朋友想試以莫札特命名嘅咖啡，但我嘅神手抽中咗以蕭邦命名嘅咖啡豆，好彩朋友都好欣賞呢種充滿果味嘅咖啡咋。蕭邦咖啡嘅風味係桃、士多啤梨、櫻桃、香檳、玫瑰等，所以佢嘅味道比較香甜，充滿果香。店員非常之細心，咁介紹呢套同本地烘焙品牌賣啡佛嘅手沖咖啡，又講解兩隻唔同大細嘅玻璃杯會如何影響咖啡嘅味道，估唔到用細啲直徑嘅杯可以飲到較濃郁、較香豆味嘅咖啡；而同一壺咖啡用一隻杯口比較大嘅杯嚟飲，就會飲到更香更突出嘅果味。果然飲咖啡都係好有學問，朋友嘅建議就係趁熱飲，趁咖啡仍然喺熱度足夠嘅時候揮發出濃香嘅咖啡香氣，再用鼻輕輕聞一聞沖剩嘅咖啡渣，忙裏偷閑真係一大享受。 💰$40 (套餐已包)焙茶牛奶 🥛因為我唔太好咖啡，所以都係叫返我最愛嘅tea latte。今次我揀咗焙茶latte，佢嘅茶味香濃，而且唔會帶有顆粒感，茶香奶滑，比例堪稱完美，如果再大杯一啲，相信會飲得更暢快！
continue reading
依間Cafe的甜品都幾出名Bookmark左好耐今次終於喺荃灣有機會食到新界人嘅幸福😍⭐️HOIHOI ALL DAY BREAKFASTAll day Breakfast必食一上枱賣相好靚😊而且食物款式豐富腸仔、煙肉🥓都好惹味炒蛋炒得剛剛好😋夠香滑特別一讚佢嘅英式鬆餅配上蜜糖🍯好鬆軟好好味一食難忘🫰🏻⭐️鐵板名古屋茄汁海蝦意粉🍝蕃茄味濃郁酸酸甜甜好開胃😙海蝦份量都多🦐夠新鮮意粉都夠彈牙口感唔錯⭐️餐湯-羅宋湯熱辣辣好暖胃😉配料充足夠水準⭐️法式焦糖梳乎厘班戟🥞重點主角出場❤️今次叫咗個特別口味法式焦糖一食有驚喜🤩真係超好食焦糖味同疏乎厘超夾甜度適中疏乎厘軟綿綿好有口感食完真係大滿足😋高度推介⭐️飲品-曲奇沙冰曲奇味濃郁面層有層cream令到飲品口感更佳加分👍🏻⭐️音樂家系列精品咖啡☕️-巴哈 BachCafe新推出精品咖啡係用扭蛋形式而決定邊種口味好特別，值得一讚😉今次抽中巴哈風味：葡萄乾，莓果，白蘭地，熱帶水果，可可佢會比兩隻唔同既杯你等你感受到咖啡嘅甜味及酸味咖啡味濃郁😄味道唔錯
continue reading
本身好鍾意食pancake，睇過啲食評先至會想過嚟食。嚟到坐低叫咗份牛扒同埋一個午餐，味道不俗，但份量細，完全食唔飽。食到半路，選擇困難症完結，終於要嗌pancake。落完單大概等咗半個鐘，以免自己做西客，都唔敢催單。但等得實在太耐，都好禮貌咁樣問咗一下，之後發覺原來冇落單。完全感覺唔到點樣又想補救嘅態度，純粹俾個九折買單就算。貼錢都唔會再嚟呢間，不知所謂。完左唔滿足，行多2步去左荃灣廣場食番pancake。
continue reading
來自名古屋的日本過江龍班戟專門店地 HoiHoi Pancake House 最新推出超抵價二人晚餐，這晚還碰巧遇上日本店主專程來到香港店巡視業務，HoiHoi Set for 2 二人前套餐只需$298，就可選擇2款主食、2款主餐牌甜品和2杯任何飲品，木系cafe以暖木色為主調配以綠色植物佈置，給人一種寫意、放鬆的感覺。漢堡塔漢堡包份量驚人，足夠二至三人分享，一上枱就已是霸氣盡現，視覺效果搶眼而震撼，重量級餡料層層疊起後搖搖欲墮，佈滿芝麻粒的麵包夾著三層漢堡扒、兩塊煙肉、三片芝士、洋蔥、蕃茄和生菜，漢堡扒口感扎實爽彈，肉味濃郁，與脆卜卜的薯條是永恆經典配搭。大阪燒比薩Pizza餅底的厚度是簡乎超薄和厚批之間，貫徹和風洋食主題，鋪著日式炒麵和紫菜，麵條經烤焗後略帶脆身，點上蛋黃醬及日式燒汁，帶來充滿新鮮感的和風配搭，西日fusion卻完全不帶半點違和感。焦糖布甸梳乎厘班戟日式梳乎厘班戟即叫即製，一上枱時仍是震騰騰，上層灑上糖粉再進行炙燒，糖衣燒得香脆金黃，班戟一入口滿是空氣感的厚身鬆軟而帶濕潤，入口即化，一軟一脆形成強烈對比，猶如法式燉蛋變奏。抹茶大福梳乎厘班戟這款是剛剛推出的新品，一大塊軟糯煙韌的麻糬就如棉被般覆蓋著兩層梳乎厘班戟，造型可愛趣緻，緩緩倒下抹茶醬，茶香濃郁而清幽，散發抹茶的微瀝回甘，中層還有柔滑忌廉與大粒甘甜的紅豆蓉，與漲卜卜的梳乎厘班戟碰撞出多重層次感。加$30就可以將餐飲轉成音樂家系列手沖咖啡，有得飲之餘仲有得玩扭蛋。今次就抽中Bach巴哈款，在音樂家系列中是發酵強度最強的。"Without my morning coffee I'm just like a dried up piece of roast goat" - Johann Sebastian Bach當咖啡果實經葡萄乾蜜處理後，兩次發酵加上幾近100%留存的果膠量，帶有葡萄乾、莓果、白蘭地、熱帶水果、可可風味，手沖咖啡入口溫暖圓融，滲出陣陣果香，中和咖啡的苦澀，餘韻悠長細膩。另一杯餐飲加$20就可轉成大大杯Smoothie，楓糖紫薯鮮奶沙冰冰爽透心涼，紫薯味和奶味平衡得恰到好處，不會過甜。
continue reading