全記海鮮菜館

Open Now

Now Closed

喺西貢海旁飲茶，真係幾舒服嘅，最近人流唔多，喺呢度飲茶都唔會有好擠擁唔衛生嘅感覺，亦都有個機會好好望吓陽光，提升正能量。呢度飲茶呢，當然都要做足晒所有安心出行啦，查針卡嘅功夫。樓面姐姐，亦都好有禮貌，好有耐性咁提食客去做好安心出行同埋查針卡，呢度要加一加分。而點心，可以去中間嘅車仔檔自己去選擇，都有各色各類嘅點心，都齊全嘅，枱面亦都會有點心紙，俾大家去落單。經過”詳細”研究，可惜呢度個小點應該係得一款，就係牛柏葉，真係百物騰貴，如果有其他嘅小點請大家分享一下特別提一提嘅係，佢象徵式收茶錢，我星期六去食，一大朝早，7:30左右啦，收一蚊茶錢一個食完一個咁開心嘅早茶之後，真係充滿力量，去挑戰西貢嘅遠足路線。