1
首先，這間餐廳嘅環境真係值得讚，裝修得幾靚，令人感覺好舒服。不過，我點嘅定食餐真係令我好失望。雖然玉子燒仲可以，但其他嘅菜品，比如飯，湯同埋蒸蛋，真係難以接受。首先，玉子豬肉係凍嘅，飯都一樣冰冷，根本冇辦法享受食物嘅溫度。至於豬肉嘅味道，感覺就好似隨便烚過嘅味道，份量又好少，完全唔符合我嘅期待。蒸蛋嘅口感又好普通，冇任何驚喜。另外，魚湯仲有重重嘅腥味，真係難以下咽，價錢又唔便宜，實在令我覺得物不所值。更糟糕嘅係，每道菜品仲要加收10%嘅服務費，呢個我覺得真係唔合理。而且，叫人斟茶等咗好耐，服務都令人唔滿意。總括來講，今次嘅用餐體驗真係唔值得推介，令我好失望，仲係朋友生日特登佢過嚟。希望餐廳可以改善呢啲問題！
以上食評乃用戶個人意見 , 並不代表OpenRice之觀點。
1
hanamiyamasushi
當時收到兩位客人在當晚Google的評論已知閣下誤解帳單收費，已於Google作出回應，解釋帳單上會列明每項食物加一後的收費，以便用餐後分帳之用，最終的收費只會有一次的加一服務費，而非客人錯誤理解的加一後再加一。而本店食物即點即製，並非預製冷凍出餐，而鮮魚湯亦每日大量出售，恕未能為閣下一人更改配方。敬希閣下於理解我哋的收費都只係如「平時一般的餐廳是用總數計算服務費」的方式，而無收費令人疑惑之嫌。還願閣下在Google及openrice之評論於我方解釋帳單細項後能釋懷持平，還我哋清白。
用餐途徑
Dine In
人均消費
$150 (Dinner)
慶祝紀念
Birthday
