禮 (打鼓嶺道)

Open Now

Now Closed

九龍城開咗好多新嘅餐廳今次經過禮日式串燒店， 主打清酒串燒！ 價錢大眾化，餐廳環境有日式居酒屋感覺。 全部串燒即叫即燒都係幾十蚊幾抵食。餐廳送一份鴨腎小食， 醬汁味道惹味， 鴨腎爽彈 非常開胃。秘製半熟鰹魚他他，酸汁令魚香更突出而且更開胃！加埋沙律菜感覺好新鮮好refreshing蟹肉蟹膏甲羅燒，蟹肉雖然唔多但勝在夠鮮甜，蟹膏香濃味重，再混合鮮蛋汁，配埋脆脆餅乾！口感層次好豐富又夠味。媽媽鹹蛋豬肉棒燒到好金黃，外層coating一層 鹹蛋黃醬，味道咸香惹味！內層爆多肉汁，超好食，高質自創串燒。阿波美手羽，燒雞翼無黑無燶！控制火喉好高技巧！燒到雞翼外層香脆，juicy亦幾夠嫩。明太子油揚豆腐，坊間比較少食到！惹味又香既明太子做 topping, 配上香脆豆腐！一啖一口夠鬆脆又惹味，送酒必備！蟹膏玉子燒， 玉子燒做到好夠嫩滑， 做到半溶嘅效果！ 內層中間夾雜著濃味蟹膏，好得呢！整體高質唔貴，即叫即燒！食得好開心。