335
6
8
Introduction
This shop is decorated with different sake bottles to bring you a casual dining vibe. It offers artisan Japanese cuisine, especially in skewers. It imports Awa-odori chicken to serve chicken skewers. It is a nice place for gathering and tasting sake and Japanese beverages.
continue reading
Opening Hours
Today
17:30 - 02:00
Mon
Closed
Tue - Sun
17:30 - 02:00
Above information is for reference only. Please check details with the restaurant.
About Reward Scheme
Signature Dishes
Recommended Dishes
🏮就嚟富妹生日，生日咁大件事，梗係要慶祝吓啦！富妹成日投訴熊妹成日食西餐，🆗，生日同富妹再食好啲，揀間日本居酒屋，日本菜仲唔夠高級？📌要近富妹屋企附近，就當然喺九龍城搵食。去到打鼓嶺道，見到有間日本居酒屋《禮》，望入去櫥窗，擺滿咗好多個唔同大細，唔同款式的招財貓🐱，咁日本風情就呢間喇！📌店舖唔算好大，有四至五張四人枱，仲有二人枱同埋門口bar枱位，用上木枱木椅，天花板上吊起幾個日式居酒屋燈籠，牆上有個木架，放滿了一些日式擺設🎎同sake杯🍶，呢個杯架真係好吸睛，餐廳仲不停播放住日文歌🎶，成件事就係居酒屋的格局！📌居酒屋初期原本是讓上班族過來飲酒輕鬆一下，後期引入了各款日式菜式，以串燒、佐酒小食為主，與友人把酒歡談的同時，又可以品嚐佳餚，「一啖串燒一啖酒」，正正就是居酒屋引人入勝的地方。📌除了串燒之外，《禮》居酒屋仲有好多日式食品，例如前菜小食、沙律、他他、炸物、燒物、烏冬、丼飯、日式甜品等等，再配合返香港人近期熱愛燒牛舌同炸雞，仲推出咗一連串嘅牛舌款式同埋炸雞口味，所以話係居酒屋又有得食又有得暢飲，真係一個有氣氛又輕鬆的餐飲地方。📌《禮》仲推出咗個9️⃣大排行榜，即係招牌菜式啦，熊妹同富妹本身都唔食得多野，決定今晚係串燒之夜🍢，「一啖串燒一啖酒」，入圍的串燒當然要嗌晒去啦！📌嚟到居酒屋，梗係要飲番杯先啦！原來有兩小時啤酒或者清酒任飲優惠🍺，每位都係$98，嚟到居酒屋一定要用酒先可以釋除一天的辛勞。📌事不宜遲，乾杯🍻！前菜，$10好多時候日本餐飲都會有一兩碟前菜小食，佐吓酒，開下胃，今晚《禮》的前菜係醃製咗嘅醬油牛腩蘿蔔粒，牛腩粒咬落去好似食牛肉乾咁，好有咬口，醃製咗醬油味超濃，熊妹幾鍾意呢款小食喎！元氣蒜頭漬，$38蒜頭漬以日本前菜嚟講都幾出名，蒜頭粒粒好有咬口，用上香濃嘅醬汁醃製而成，食一粒，全個口腔都已經充滿蒜頭鹹味，真係幾好嘅送酒前菜。牛蒡醬油漬，$38本身熊妹都唔係幾好牛蒡味，不過呢個牛蒡經醃製之後減少咗好多牛蒡味，食落去好爽口，好似食鹹味嘅蘿蔔咁。古早蟹籽沙律，$58不嬲熊妹食大餐之前都要食沙律，呢個古早沙律，聽個名都好特別，唔知古早係咩呢？原來材料就係吞拿魚沙律、沙律菜同埋面頭鋪咗一大堆蟹籽，撈上芝麻柚子醋汁，食落酸味味之餘又有啲吞拿魚肉嘅口感，相信古早就真係經典嘅意思，用上嘅材料都係典型沙律嘅材料，又幾開胃喎！蟹羔玉子燒，$889大排行榜第6️⃣名，蟹羔玉子燒。一碟切成六件，面頭鋪滿左蟹籽，望落去橙橙黃黃已經好吸睛。玉子燒要燒得靚絕對好考師傅嘅功架，一層一層蛋皮煎起再包起又唔可以見到任何燒焦嘅虎皮紋，煎嘅時候一定會全神貫注，小看1秒都會失手。呢份玉子燒絕對係一份超班嘅玉子燒，整個玉子都燒到金黃色，玉子餡入邊包含咗蟹羔，淡淡嘅雞蛋味滲出蟹羔的海鮮味，再有面頭帶鹹味的蟹籽，一啖放入口真係滋味無窮。厚切牛舌芯（左），$689大排行榜第4️⃣名，厚切牛舌芯。一串牛舌有四大件，目測起碼有3cm×3cm，厚切嚟講真係幾厚，應該有0.5 cm嘅厚度，調味唔需要多，輕輕嘅鹽味已經好配牛舌，牛舌芯厚到食落好爽口，好有嚼勁，咬下咬下，食一件已經好滿足。富士蘋果煙肉卷（中），$48煙肉卷配蕃茄仔就食得多，配富士蘋果就未食過。一串有三件，外皮煙肉卷包住一大粒富士蘋果，外皮嘅煙肉煎到剛好唔乾，咬落去有油脂分泌，再配合清新清甜的蘋果🍎，富士蘋果食落好爽口，可以解煙肉脂肪嘅油膩之餘，又好似食飯後果咁清一清口腔嘅煙燻味，比起配蕃茄仔確實係唔同食法。媽媽鹹蛋豬肉棒（右），$489大排行榜第3️⃣名，媽媽鹹蛋豬肉棒。免治豬肉製成嘅串燒棒，面頭鋪上媽媽鹹蛋黃醬，豬肉棒啖啖肉，調味唔重先配合到媽媽鹹蛋黃嘅鹹香味，呢個鹹蛋黃醬真係幾特別，好簡單嘅豬肉鹹蛋黃食材，就係想帶出童年母親燒菜的味道。脆皮白鱔（左），$889大排行榜第1️⃣名，脆皮白鱔。第一名喎！一串有兩大件白鱔，白鱔係厚切，塗上燒汁去燒再慢慢滲入鱔肉入邊，火候燒到剛剛好，食落係爽口，而唔係淋生魚肉，與燒汁嘅配合一啲都唔腥，明顯用料上乘，火候十足，難怪可以登上第一名的寶座🏆。京蔥雞肉串（中），$48表面搽上醬汁，一啖雞肉一啖京蔥，梅花間竹咁食，就可以食到雞肉同蔥味兩者交織的配搭，係經典的串燒款。青森青提豚肉卷（右），$489大排行榜第2️⃣名，青森青提豚肉卷。比起煙肉卷，這份豚肉卷少了份煙燻味，加重了豚肉嘅味道，內裏包住青提子，驚喜地發現連提子皮衣都剝開了，一咬落去，清甜嘅青提子汁就會泌出來，衝激豚肉片，又鹹又甜，油膩盡消，果然係夠特別的第二名！免治雞肉棒配醬油蛋，$489大排行榜第9️⃣名，免治雞肉棒配醬油蛋。免治雞肉棒在熊妹心目中，一直以來都係第一名！免治雞肉棒入邊用上打雞肉及攪碎了的雞軟骨混合製成，咬落去有肉嘅口感又有雞軟骨嘅卜卜脆，重點係點上月見醬油汁，加一點醬油味道之餘，仲有好濃郁嘅日本蛋黃味，生蛋黃漿住喺雞肉棒上面，再提升咗成份雞肉棒的味覺享受。南蠻炸雞，$78除了串燒，炸雞送酒都非常一流，炸雞款式入面南螿蒜香都幾特別。一碟有五大件，炸雞超脆口，用上奇趣炸，雞皮有一定嘅厚度同油膩，炸得通透食唔出炸粉，係連骨嘅雞肉位，大大塊雞肉啖啖肉，南螿蒜香經油炸咗之後味道更出，最後連骨頭都噀埋好有味道。日本枝豆，$38又一送酒佳品！呢碟日本枝豆份量都幾多下，有20條或以上，簡簡單單用鹽水煮滾，食落去已經好充滿鹽味，煮熟咗嘅枝豆皮變軟，喺枝豆中間將一粒枝豆咇出來再滲透出鹽水，清鹹嘅青豆味，食一條再送一啖酒，就係佐酒小食的意義。📌居酒屋就是讓人把酒談歡，消除疲勞，飲過痛快的地方。《禮》無論係環境、食物味道、氛圍都充滿着居酒屋的特色，仲推出咗儲印仔活動，每次來光顧都可以獲得一個印仔💮，儲夠一定數量就有印花卡上面的小食送，咁好氣氛的居酒屋絕對能夠再encore啦！
continue reading
呢間居酒屋好喜歡🏮店員好有禮貌，老板非常親切，🤩仲好有耐性咁講介每一款菜式👍🏻佢地將懷舊同創新溶為體👍🏻之外亦都保番舊派傳統美食👍🏻聚餐都一流，好似我地情侶或夫妻拍拖👩🏻🤝👨🏼都好正嫁😚紫菜芥末八爪魚好喜歡💕 每次我都會叫，呢一間整得非常好食，唔會太攻鼻仲食到有Wasabi莖部🤪極上刺身三品油甘魚、三文魚同赤蝦，佢地晚刺身非常新鮮肥美😋油甘魚仲非鮮甜🤤赤蝦彈牙多膏😋厚切牛舌芯好厚得黎好易咬開，仲好濃牛咁，燒得非常惹味😋紫蘇豚肉卷食落一啲都唔油膩，紫蘇中和返肥膩唔錯唔錯👍🏻好喜歡好好味😋牛蒡素肉丸串呢串勁👍🏻食落勁似牛味🤭好出色👍🏻唐揚炸雞呢款有傳統40年咬落非常鬆脆嫩多汁，原味已經好好味，再加配檸檬汁或者沙律醬嘅另一番味道🤤高湯玉子燒係舊派煮法咬落去有好多湯汁好好味😋味醂魚乾食落好易咬開仲好夠味道，好快比我食晒🤭月見醬唐揚飯團飯團好特別，係出面好少食到🤩紫蘇葉油甘魚反卷（六件）好特別，用紫蘇葉加芥末一齊食有更加帶油起甘魚嘅鮮味唔錯既菜式👍🏻黑松露芝士燒生蠔（2只）黑松露配芝士好惹味，蠔都好隻😋之後見佢兵庫県牡蠣🦪夏祭の激賞好抵食🤭忍唔住買左半打返屋企食😆食落去好cream,非常鮮甜肥美🤤薯上白雪綠茶雪糕🍦今次呢間居酒屋好特別👍🏻有好多特式好味菜式👍🏻呢個甜品好特別，代雪糕開始溶化既連埋蕃薯🍠一齊好夾🤤晚市有好特別遊戲時間抽獎🤩先生抽中左同師傅一齊飲，老板店員同客人一齊玩一齊笑好開心😀
continue reading
再一次到九龍城搵食，想食日本餐就想起Sake Bar Present~日式居酒屋裝修令人十分放鬆🫶🏻向店員查詢酒品後得知有2小時啤酒/清酒無限任飲優惠，每位只需$98🤩十分抵飲~ 🥒時令漬物-青絲漬 💰38口感清脆，酸甜青絲味道非常開胃~🧀酒盜芝士 💰68餅乾和芝士組合，加上特色醬汁，搭配著各種酒品享用，十分美味🍣極品刺身三品 💰238三品刺身有油甘魚、三文魚和赤蝦，鮮美厚實的口感和油脂豐富，大滿足~🍣黑松露帶子反卷 💰188黑松露的香氣與新鮮帶子結合，濃郁鮮甜的反卷，值得一點🐓南蠻炸雞💰78炸雞外皮酥脆，內裡多汁嫩滑，能滿足對炸雞的渴望🫶🏻串燒亦有很多選擇~醬汁燒豚肉串🐖、蒜蓉燒生蠔🦪和厚切牛舌芯~厚切牛舌芯使用了最嫩滑的部分，口感鮮嫩煙韌~實在是回味無窮~芝士咸蛋玉子燒💰88玉子燒選用日本產雞蛋，即叫即煮，蛋味濃郁，喜歡玉子燒一定要點這個🫶🏻月見醬唐揚飯團💰48將月見蛋醬放在飯團上，味道鹹中帶甜，口感豐富~薯上白雪💰58以蒸蕃薯為基底，再加上豆腐雪糕的甜品，口感綿密，甜而不膩，是完美的結尾🥰
continue reading
【🌔禮·九龍城｜🍶活在當下的居酒屋精神】宋王臺站開通後，去九龍城就方便得多了。今次突然間好想食燒飯團，朋友就提議嚟呢間餐廳，係門口有一列招財貓，好易認。店內最搶眼嘅除咗招財貓，仲有近門口嘅「當下」掛字，『活在當下』完全係我人生哲學同態度，專注享受當下呢一瞬間，睇吓食咗咩先！💫前菜-牛舌粒居酒屋傳統會向客人遞上冷算前菜，用嚟方便客人在正餐前送酒，今晚我無飲酒，但都幾滿意牛舌粒粒，牛舌粒幾入味，撈咗麻油同醋醬油等調味。..💫蒜頭漬嚟到居酒屋就算唔飲酒都要試吓漬物，用原粒蒜頭醃製而成，加上少少木魚絲，味道酸酸甜甜，口感幾爽口鮮甜美味，蒜頭控必食。..💫刺身三品-赤蝦、三文魚、帶子每款少少過吓口癮，刺身新鮮，絕對有開胃作用。..💫味醂魚乾日式餐廳通常都有燒雞泡魚乾呢味小菜，但味醂魚乾其實唔多，廚師用味醂醃製後烘乾，要做到軟身一啲都唔易，而呢間做得好好👍🏻。..💫高湯玉子燒玉子燒係我好鍾意嘅食物，唔好睇呢份玉子燒平平無奇，廚師加入高湯泡製，食起嚟好香蛋味而且完全唔乾，入口即熔咁。..💫唐揚炸雞炸雞令我覺得有驚喜，原本以為細細碟，點知原來份量都幾澎湃，炸得金黃脆身，但好乾爽油唔覺好多，咬開仲有肉汁，而且味道調教得唔錯，點沙律醬食一流。..💫黑松露芝士燒蠔蠔好新鮮，肉厚大隻，黑松露味唔算好強，輕輕配搭住芝士吊味。..💫厚切牛舌芯真正厚切，燒得剛好，易咬口而且牛味好濃。兩個人點一串share食都夠，一人一串有感食咗半塊扒咁，都係留返位食其他野好啲。..💫紫蘇豚肉卷（下）紫蘇我哋唔陌生，韓式燒烤包肉用，蒸大閘蟹又見到佢，今次廚師用紫蘇葉捲住薄薄嘅豚肉燒，口感和味道層次分明，紫蘇葉味好香，令到豚肉都頓時有清爽感覺。💫牛蒡素肉丸（上）見到素肉我就忍唔住試，牛蒡平時多數係前菜冷盤中見到，原來切碎佢口感又幾彈牙，有份肉質嘅感覺，因為全素，食入口係清爽乾淨的，面頭加咗紫菜碎和醬汁去燒，好惹味。..💫三文魚反卷不過不失，雖然賣相平凡，但廚師即叫即做，食出新鮮味道。..💫月見醬唐揚飯團我一比就係來食過個招牌飯團，廚師用上特製醬油將飯調味後做成飯團，將飯團燒過後再在飯團上加上日本蛋黃，成件事非常之完美，下次絕對要一人一個！..💫薯上白雪這個甜品好食程度100分，不得了咁好食😋係焗好嘅唐心蕃薯🍠加上一大球綠茶雪糕，冷靜與熱情之間，蕃薯嘅甜配上綠茶嘅甘，真係好好味。（下次要留肚食）🎉禮·Sake Bar Present(Kowloon city)📍九龍城打鼓嶺道79號地舖
continue reading