NeNe Chicken (東港城) (Closed)

早排聽閒過劉在錫代言既炸雞店已經係將軍澳開分店，作為韓粉既我當然有留意到想去朝聖一下，雖然芳間都有好多明星代言既食店質素參差，但呢日放工決心黎到東港城同朋友一齊試下呢間NeNe Chicken。我地叫左個金大人拼盤(中size)同雙重滋味炸雞，個金大人拼盤好值得推介，裏面好豐富，除左無骨炸雞之外，仲有糯米釀雞翼、流心芝士菇釀雞翼、素菜烤雞翼、水牛城燒雞翼同菠蘿蜜雞翼，而中間有個空心既包裝滿濃郁既芝士，可因應個人喜好點唔同份量既芝士，食完都已經飽左一半另外個雙重滋味炸雞就點左無骨既初雪炸雞＋甜辣炸雞，兩款都外脆內嫩，份量好足料我地兩個最後都食到勁飽返去，呢間炸雞店絕對係真材實料，唔係芳間一般戴住明星光環但唔好食既食店，值得大家一試！