Read full review
2018-01-27
87 views
今次想同大家介紹吓依間叫Yadllie Plate嘅餐廳,我同朋友都係第一次去,就地點而言,方便就腳,係正旺角最旺嘅地方,shopping 完去就至啱。😆入到餐廳,環境氣氛ok,有少少似cafe 同tea house 果種好relax嘅 style,如果想同朋友傾吓計又或者拍拖嘅話,依個都應該係一個唔錯嘅選擇!💕👍坐低睇吓餐牌,個設計好似份報紙咁,所有items都係圖文並茂,清楚易明。我亦留意到枱旁有個按制,等你可以隨時叫服務員。同一個位置仲有usb叉電位俾埋你,服務都算貼心,真係要俾個like佢。😍👍同朋友點左一個特大嘅芒果菠蘿特飲,可以揀有酒精同冇酒精兩種,而我哋今次就揀左冇酒精嘅 ,味道ok 之餘 ,成渣嘅份量可以足夠兩個人share,都算唔錯。😝主菜我哋揀左兩個,一個係拼盤,另一個係安格斯牛。拼盤份量都好大,首先有炸雞,亦都係依間餐廳嘅主打,中間放左炸蝦,最後係炸魷魚圈,配埋啲醬汁一齊上。炸雞熱辣辣,有專用嘅夾俾你夾住隻雞嚟食,咁就唔怕太熱同整污糟隻手。炸蝦同魷魚都同樣出色,配上沙律醬一流。🤤🤤到安格斯牛,特別嘅地方係用熱石燒烤上枱,好處係上枱之後可以選擇趁還未全熟嘅時候入口,
入到餐廳,環境氣氛ok,有少少似cafe 同tea house 果種好relax嘅 style,如果想同朋友傾吓計又或者拍拖嘅話,依個都應該係一個唔錯嘅選擇!💕👍
坐低睇吓餐牌,個設計好似份報紙咁,所有items都係圖文並茂,清楚易明。我亦留意到枱旁有個按制,等你可以隨時叫服務員。同一個位置仲有usb叉電位俾埋你,服務都算貼心,真係要俾個like佢。😍👍
同朋友點左一個特大嘅芒果菠蘿特飲,可以揀有酒精同冇酒精兩種,而我哋今次就揀左冇酒精嘅 ,味道ok 之餘 ,成渣嘅份量可以足夠兩個人share,都算唔錯。😝
主菜我哋揀左兩個,一個係拼盤,另一個係安格斯牛。拼盤份量都好大,首先有炸雞,亦都係依間餐廳嘅主打,中間放左炸蝦,最後係炸魷魚圈,配埋啲醬汁一齊上。炸雞熱辣辣,有專用嘅夾俾你夾住隻雞嚟食,咁就唔怕太熱同整污糟隻手。炸蝦同魷魚都同樣出色,配上沙律醬一流。🤤🤤
到安格斯牛,特別嘅地方係用熱石燒烤上枱,好處係上枱之後可以選擇趁還未全熟嘅時候入口,亦都可以選擇放多陣,等塊扒個面烤得燶少少,熟少少先再食,就返唔同人嘅口味。配菜係個炒雜菜,比較清甜,正好平衡番成個餐以煎炸為主嘅食物。😚
仲未夠喉嘅話,可以好似我哋咁叫埋依個芝士餅雪冰甜品試試,又有芝士蛋糕嘅濃味,亦有生果同雪冰嘅清新口味,係一個幾特別嘅配搭。下次一定會再黎試試其他嘢食。😆
Post