Mokumoku Yakiton (厚福街)

Open Now

Now Closed

約朋友食晚飯，今次預訂左尖沙咀既MokuMoku Yakiton居酒屋。入到去，因為Covid關係，每台都有白色版隔開客人。我地兩個人食飯就變左兩個人坐一張4人台。首先黎個冰鎮tomato，鮮味，開胃。之後叫左堆串燒，就咁睇Menu，都係主打豚肉既。叫左白金豚肉流心蛋串，豚肉紫蘇串，豚肉蘋果串，雞軟骨串，牛舌，豬舌，煙熏豬肉，白菌，冬菇。仲有煮豆腐。豚肉串都比較出色，豚肉薄身，又燒得香口、脆身。比較中意豚肉蘋果串，加埋蘋果既甜，成件事好好。雞軟骨都做得好。白金豚肉流心蛋串外貌令仔，個蛋可以再流心d，不過可能再流心d容易豚肉hold唔住。咁我本身係中意食超級流心蛋。豬舌如果薄身少少燒可能更好。美中不足係煮豆腐比較咸。叫酒果時，waiter話有優惠，買一送一，於是黎左兩支清酒 ^^整體很不錯，係可以encore既餐廳。