Video
Read full review
2017-09-02
518 views
山林道附近嘅Mini Club雖然開業有一段時間，但啲裝修都尚算新淨。佢哋係用平板電腦做餐牌，都幾時尚。先試呢度嘅飲品，呢支叫Lindemans Apple嘅手工啤，飲起嚟酸酸甜甜近似果汁，幾啱女仔口味。What the Duck，隻鴨仔好似晌度浸緊泡泡浴咁，仲有啲爆炸糖晌度，玩味十足。泡泡之下係用咗青蘋果、奇異果、菠蘿汁、紅莓汁同紅石榴糖漿混合而成嘅cocktail，飲起嚟甜甜哋咁。Honey Bee，木盤上嘅小裝飾都好得意。餐廳將Grand Marnier、Advocaat、Baileys、菠蘿汁同桃肉打成沙冰，上面仲插咗塊蜂膠點綴，旁邊就有樽蜂蜜，將佢加入去，雖然用咗多款酒精，甜味卻突出，完全唔似晌度飲酒，口味偏向女仔一啲。之後就試呢度嘅嘢食，海鮮拼盤入面有熟龍蝦、睡蟹、鮑魚、翡翠螺、蒜味青口、玫瑰蝦，陣容鼎盛。泰式生蝦，生蝦質感脆口，泰式醬汁嘅辣勁好強，食唔到辣嘅人就唔建議挑戰喇！韓式醬燒安格斯牛柳粒，牛柳粒切成厚身條狀，外層就蘸咗香甜嘅醬汁，同埋灑咗啲紫菜絲同白芝麻上去，另外仲有泡菜、醃蘿蔔同韓式辣醬跟埋一齊食，味道唔錯。我哋仲試埋餐廳新出嘅The Love of Eiffe
山林道附近嘅Mini Club雖然開業有一段時間，但啲裝修都尚算新淨。
佢哋係用平板電腦做餐牌，都幾時尚。
先試呢度嘅飲品，呢支叫Lindemans Apple嘅手工啤，飲起嚟酸酸甜甜近似果汁，幾啱女仔口味。
What the Duck，隻鴨仔好似晌度浸緊泡泡浴咁，仲有啲爆炸糖晌度，玩味十足。泡泡之下係用咗青蘋果、奇異果、菠蘿汁、紅莓汁同紅石榴糖漿混合而成嘅cocktail，飲起嚟甜甜哋咁。
Honey Bee
17 views
1 likes
0 comments
Honey Bee，木盤上嘅小裝飾都好得意。餐廳將Grand Marnier、Advocaat、Baileys、菠蘿汁同桃肉打成沙冰，上面仲插咗塊蜂膠點綴，旁邊就有樽蜂蜜，將佢加入去，雖然用咗多款酒精，甜味卻突出，完全唔似晌度飲酒，口味偏向女仔一啲。
之後就試呢度嘅嘢食，海鮮拼盤入面有熟龍蝦、睡蟹、鮑魚、翡翠螺、蒜味青口、玫瑰蝦，陣容鼎盛。
泰式生蝦，生蝦質感脆口，泰式醬汁嘅辣勁好強，食唔到辣嘅人就唔建議挑戰喇！
韓式醬燒安格斯牛柳粒
18 views
1 likes
0 comments
韓式醬燒安格斯牛柳粒，牛柳粒切成厚身條狀，外層就蘸咗香甜嘅醬汁，同埋灑咗啲紫菜絲同白芝麻上去，另外仲有泡菜、醃蘿蔔同韓式辣醬跟埋一齊食，味道唔錯。
The Love of Eiffel
36 views
0 likes
0 comments
我哋仲試埋餐廳新出嘅The Love of Eiffel，桃紅色嘅巴黎鐵塔上面放咗各式各樣嘅精緻甜品，最底下嘅黑色托盤就內有機關，可以做出煙霧效果，都幾觸目。
The Love of Eiffel
19 views
0 likes
0 comments
頂層嗰三粒銀河圖案嘅大朱古力豆幾靚，旁邊有印咗餐廳名嘅朱古力牌，後面仲有朵糖膠玫瑰花。
The Love of Eiffel
13 views
0 likes
0 comments
另一邊亦有三粒印咗唔同圖案嘅馬卡龍，外層脆脆。另外嗰粒印咗I Love You字樣嘅心形朱古力中間位置就香軟，有少少似松露朱古力嘅感覺。
下層就有三個唔同造型嘅冬甩形小圈圈，分別用咗彩色糖霜同唔同形狀嘅碎糖點綴，入面就係蛋糕嘅質感，整體嚟講唔會話非常非常甜。
Post
