稻八日式火鍋炸物放題 (Closed)

朋友仔生日，一行幾人約左去大埔舊墟直街嘅《稻八》為壽星慶生。餐廳裝修略带日本風味，座位都坐得幾舒服。我哋揀咗每位2小時任食價$318嘅特選M9和牛餐。有八款湯底可以選擇，鮮蕃茄湯，蕃茄味濃郁，蕃茄味同牛味十分夾。特選M9和牛牛小排 - 色澤新鮮，霜降分佈平均，口感嫩滑。羊肉 - 有羊肉嘅鮮甜味，肉質軟滑唔羶手切肥牛 - 帶點厚度，牛味濃郁，有少少咬口。日本北海道鷄片 - 口感腍滑，味道唔錯。美國自然豚肉片 - 豚肉鮮甜，爽口鮮美牛腱、牛柳粒 - 牛味濃郁海鮮盛合內面有多款海鮮，蝦、蠔、八爪魚仔……種類十分多，新鮮豐富。呢個套餐仲有任點刺身，甜蝦、帶子、鮑片、北寄貝，選擇多多，鮮甜味美。澳洲M6和牛盛合，M6和牛下腹腩、和牛胸肉、和牛肩胛肉、和牛舌，唔同部位有唔同牛妹嘅口感，豐富好食！自助區提供各種火鍋嘅配料：丸類、腸仔、午餐肉、蔬菜瓜類、菇類、麵食……各適其式。打邊爐打到悶悶地又可以自製天婦羅、沙律食下！除左自助飲品汽水同一般雪糕外，每人仲包一杯優質雪糕，呢餐真係十分豐富！