申子居酒屋

Open Now

Now Closed

主打日式居酒屋風格嘅餐廳，裝修充滿日系元素，夜晚燈光偏暗但每張枱都有射燈，影相效果一流。午市多款定食，人均百幾蚊，以銅鑼灣嚟講價錢算合理。即使係平日中午，餐廳都接近九成滿，好多人都有預先訂位，可見人氣之高。 每個定食除咗主菜，仲會附送兩款開胃小食，當日有牛蒡、牛舌同蟹肉可選，加埋一碗麵豉湯，配搭完整。三色丼一次過享受到海膽、吞拿魚蓉同三文魚子，幾有驚喜，飯粒偏黏，帶有明顯醋酸味，唔會過甜或者過淡，口感幾好，配刺身特別夾壽喜燒定食則以牛肉為主，湯底濃郁，甜鹹適中，牛肉都算幾多，男同事食完都好飽！！！另外原來啲飯都可以任添！！左口魚邊燒係同事堅持叫既，成條左口魚邊捲住燒，燒得金黃微焦，油脂豐富但不膩，搭配酸汁可以中和油脂感，味道更加平衡。整體食物質素高，擺盤精緻，午市定食性價比唔錯，值得再訪！