申子居酒屋

Open Now

Now Closed

一直都好鍾意食日本嘅菜式，適逢今日放假又二訪一下位於銅鑼灣精緻日本料理 申子食個午餐 午餐又精緻又抵食，近期仲有六折添 環境充滿日式風情 我哋坐嘅座位仲見到隻招財貓而且仲有手機充電位 可以慢慢食傾吓偈 午市割烹 有共十一款之選擇 真係有選擇困難症款款都咁想食 叫左兩款豐洲鮪魚拖羅丼非常鲜美又精緻 有小花朵同葱點缀滿满魚肉一大碗 壽司定食（厨師發辦）配白鷄湯手打烏冬非常精緻手握壽司 有埋一小碗魚籽特别喜歡甜蝦同toro sushi 白鷄湯香濃配香滑烏冬十分合適重配埋麵豉湯而每款午餐都配小食 今次牛舌 冷豆腐 玉子叫多一碟小食蓬鬆玉子真係篷鬆 蛋味十足 配上日式醬汁同沙律醬十分美味。大满足申子居酒屋 (銅鑼灣)銅鑼灣渣甸街50號渣甸中心9樓

今日去咗銅鑼灣申子居酒屋食晏，佢哋做緊午餐6折，真係幾抵食！餐廳環境舒服，兩個人坐卡位夠晒鬆動，店員服務又好有禮貌，整體感覺好滿意❤️叫咗個壽司定食配雞白湯烏冬，壽司係師傅發辦，用當日新鮮食材。赤蝦鮮甜彈牙，魷魚爽口帶點黏滑感，飯粒握得剛好，唔會太實👍雞白湯烏冬湯底濃郁，忍唔住飲晒D湯😋申子三式丼好豐富，海膽creamy，拖羅蓉入口即溶，三文魚籽好鮮味，三種唔同口感一次過滿足😍最驚喜係極上鹽燒牛舌芯，厚切得嚟燒得恰到好處，外層微焦香脆，內裡軟嫩多汁，簡單用鹽調味已經好夠味☺️以6折價錢食到咁嘅質素，性價比超高，真係超抵食👍

之前同朋友食過，印象中餐廳環境及食物質素都唔錯，所以今次二訪。餐廳地方唔算好大，但佈置唔錯，令私隱度都幾高，感覺舒適。午餐做緊六折優惠，食物種類都唔少，包括牛扒、壽喜燒、刺身丼飯、壽司定食等。六折之後，大概係百幾蚊一份，都幾抵食。壽司定食配雞白湯烏冬 - 幾款壽司係廚師發辦，揀咗當日時令食材。一上菜已見賣相吸引，入面有多款刺身壽司，包括吞拿、拖羅、油甘魚等，全部新鮮好味，非常之高質。另外要讚吓佢嘅雞白湯烏冬，湯底鮮甜，烏冬彈牙滑，真心好味。西冷牛扒定食 - 牛扒肉質鮮嫩，好高質。套餐配搭蛋醬、wasabi及鹽，食法多樣，口感多重，味道好豐富。另外兩款定食都包咗麵豉湯，前菜小食則有蛋卷及牛舌，味道不錯。

餐廳位置坐得幾舒適 Lunch set做緊6折優惠 折完大約百幾就有個set 每款定食都有三款前菜同麵鼓湯 前菜分別有牛舌、玉子燒同麻醬豆腐🥳✨牛肉壽喜燒定食 ($143)牛肉壽喜燒 牛肉大大塊 有大約4-5片 食落牛香味濃郁 肉質略瘦 無油脂感 而壽喜燒內有娃娃菜、粉絲同菇 湯底甜甜地 又吾會鹹 撈埋落飯當湯飯食一流✨壽司定食(廚師發辦）配雞白湯手打烏冬 ($167)壽司係由廚師發辦 每日都有機會不一樣 當日共有6款壽司、刺身同三文魚籽 每款都新鮮 三文魚夠肥美 油脂感滿滿 其他款食落柔軟細膩 而雞白湯手打烏冬 湯底雞香味幾濃 充滿骨膠原✨ 極上塩燒牛舌芯 ($88)共有5粒 都比較厚切大粒 食落外皮帶點焦香味 食落內爽口 呈粉嫩狀態 幾juicy

同事介紹去咗銅鑼灣嘅申子居酒屋食lunch，午市套餐有六折優惠‼️超抵食🤩店舖位於鬧市中卻隱蔽舒適，環境帶有濃厚日式風格，木質裝修同柔和燈光好有和風氣氛～🥩 牛肉壽喜燒牛肉薄切軟嫩，湯底溫和帶甜，配蛋汁同蔬菜同香菇，味道濃郁又滋潤，加上白飯煙靭有口感，超正！🍣 壽司定食配雞白湯手打烏冬廚師發辦壽司有炙燒左口魚，赤蝦，帶子等等，口感豐富；烏冬煙韌有嚼勁，雞白湯清香撲鼻～🥩 極上塩燒牛舌芯牛舌芯厚切多汁，鹽燒後牛脂味濃郁，肉質彈牙又鮮嫩，簡單調味突出食材原味，令人回味。 申子居酒屋🏮嘅菜式用料新鮮，烹調精緻，環境舒適又有日式特色，係銅鑼灣搵隱世居酒屋嘅一個好選擇。

🎏居酒屋裝潢有格調以深色木系為主．感覺像走日系型格風食物種類多選擇提供前菜、前菜沙律、天婦羅、一品料理、壽司、刺身、飯炊、湯麵、甜品、各式飲料和酒類。🥢今次遇上餐廳周年優惠「極尚．午市割烹」✨牛肉壽喜燒牛肉軟腍．配上大蔥．蔬菜．豆腐．菇菌等食材配上香甜壽喜燒．足料有份量✨壽司定食壽司新鮮．仲有厚切三文魚刺身配上雞白湯手打烏東奶白色嘅湯底．味道清甜✨極尚塩燒牛舌芯牛舌芯爽彈有嚼勁係呢度必食嘅招牌菜式

之前到訪過旺角店 都覺得不錯吃👍🏻今次甘岩約港島區朋友 順便去試下銅鑼灣店🤩原來都幾多卡位 坐得好舒服😌空間都較大🙌🏻隔左甘耐無去 原來都多左吾少新菜式😆😆鹽燒牛舌芯好高質(•̀ᴗ•́)و厚切夠彈牙 燒得好香又吾過火 值得每次都叫！左口魚裙邊好嫩滑 差唔多入口即化 火炙過後油脂超香🤭🤭至於雞皮炸得好香脆 金黃色勁誘人🤣🤣主食叫咗個北海道炒飯 今次試咗新推出嘅蒟蒻米飯🍚 主打超低碳低卡 炒得十分乾身 蝦乾香氣十足 👍🏻不過我覺得蒟蒻米比普通白飯會再硬身少少🤏🏻下次應該會食返正常版本最後叫番個廣島蠔鍋暖下胃(๑˃ᴗ˂)ﻭ廣島蠔𝐬𝐢𝐳𝐞頗大隻 漲卜卜😍而且熟度拿捏得十分精準 鮮味十足🙌🏻如果可以多幾隻就好了👻食居酒屋又點可以吾配酒😏😏仲要而家做緊買一送一 抵到呢！▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀極上鹽燒牛舌芯 ($𝟏𝟐𝟖)❀汁煮左口魚裙邊 ($𝟏𝟒𝟖)❀黃金聖衣👉🏻雞皮 ($𝟒𝟖)❀ 北海道海膽炒飯($𝟐𝟔𝟖)❀廣島蠔鍋 ($𝟏𝟓𝟖)❀富士高山梅酒 ($𝟗𝟖)❀𝐒𝐮𝐧𝐭𝐨𝐫𝐲 𝐛𝐥𝐚𝐜𝐤 ($𝟗𝟖)⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰

好耐之前都黎過申子居酒屋食晚餐🏮 當時嘅印象係食物質素好好 如果係慶祝食飯嘅話 係個幾吾錯嘅選擇 所以今次都黎左依到食晏晝飯😛🍀蒲燒鰻魚厚切玉子丼下晝嘅套餐都係一個定食黎 有麵豉湯 餐前小食 凍豆腐 玉子 同埋醬汁牛舌 每一份食物都係用細碟仔裝住 望落好似好豐富咁😉 鰻魚有半條 燒得幾香口 味道濃郁 好食😋 玉子都夠厚身 鋪係鰻魚底部 增添一份色彩😜 炒飯都整得好好 好有鑊氣 味道濃厚 配鰻魚一流👍🏼🍀申子三式丼三式指嘅係海膽 拖羅蓉 同埋三文魚子 賣相色彩繽紛 好開胃咁🤣 拖羅蓉 同埋三文魚子嘅份量算多 每一啖都有好濃嘅鮮味 海膽就相對份量少 不過下晝套餐平左 都算係合理價錢同食物質素 都係值得一試☺️

都有一段時間無食申子喇 真係好掛住呢到個和牛燒同牛舌芯 回訪梗係要食返😆餐廳裝修依舊走日式居酒屋路線 氣氛柔和 絕對適合同朋友過時過節黎慶祝٩(˃̶͈̀௰˂̶͈́)و❣️火炙大蝦讚岐手打烏冬 ($168)一上枱已經聞到濃濃既蝦湯同櫻花蝦味🦐讚歧烏冬口感煙韌 而且因為個蝦湯都煮到比較杰身所以好掛汁🍜每一啖烏冬都食到濃郁蝦味好滿足😋大蝦肉質彈牙不過不失~❣️申子海膽和牛燒 ($378)黎到申子一定要食呢到嘅招牌和牛燒(⁎⁍̴̛ᴗ⁍̴̛⁎)會有侍應去到你席前幫你燒🔥和牛牛味相當濃郁岩岩燒起油香味十足👅海膽同魚子亦都相當新鮮 配合埋個和牛一齊食別有一番風味✨最後仲有因為和牛包裹住既白飯而有陣陣油香全部野加埋一齊真係冇得彈🙂‍↕️❣️極上鹽燒牛舌心 ($128)呢個又係黎到申子既必食推介‼️牛舌心本身肉質相當彈牙同juicy🤍牛舌心鹽燒嘅調味岩岩好 惹味得黎唔會太咸👅建議落埋檸檬汁會再清爽啲👍🏻我地仲因為太好食encore咗次牛舌心🤣❣️鰻魚天婦羅 ($198)鰻魚天婦羅上嘅時候我地嚇親 份量都真係相當大😂😂外皮炸衣香脆但鰻魚肉仍然保持到非常juicy✨而且鰻魚食落啖啖肉完全唔會食到有骨既感覺怕食鰻魚既朋友都可以放心大膽食😙❣️

知道申子居酒屋午市套餐有六折，即跟同事到此午飯，試一試他的質素如何。餐廳環境乾淨企理，座位舒適，日式風情滿滿！六折套餐的選擇也不少，總有一款啱口味！兩份超值的午市套餐，賣相吸引，六折冇得輸！刺身定食配白雞湯手打烏冬 $167刺身由廚師發版，安排是日最新鮮的，是日的刺身出了三文魚、油甘魚、甜蝦、帶子，刺身新鮮。賣相艷麗，肥美吸引！雞湯味道鮮濃，烏冬嫩滑西冷牛扒定食 $143有飯有湯有燒牛肉，牛肉燒過有香味，亦有牛肉味，質感有點咬口，加上有六折優惠，相當抵食。一口芝士黑豚卷 $128，一口一隻，黑豚無羶味，加上芝士及沙律醬點綴，很不錯的小食！

必試汁煮左口魚 + Q彈牛舌芯 ✨汁煮左口魚 💰148📝平時食壽司好鍾意食火炙左口魚壽司，汁煮上枱熱辣辣，賣相好似朵花，左口魚輕輕燒過好有口感，柚子汁好開胃，上面有黑魚子同三文魚子，口感更豐富， 推介呢款招牌菜✨極上鹽燒牛舌芯🐮 💰128📝牛舌嫩，厚身有咬口，伴碟調味有蔥花&鹽粒&柚子醬&檸檬汁🍋好滿足，每一嚿可以有唔同變化去品嘗，會想再encore😋✨唐揚脆雞 💰128📝炸雞熱辣辣好脆口，做到外脆內嫩，個自家製沙律醬撈埋碎蛋粒，呢款小食配酒一流✨雞軟骨/串 💰38/串📝爽脆燒得好乾身，啱啱好✨金澤蠔釜飯 💰268📝釜飯份量都幾足，啲蠔汁滲透晒落啲米飯度，撈飯好正，飽滿嘅蠔肉仲有啲菇、洋蔥絲三文魚子同埋蔥花，口感更加豐富✨雞翼餃子 💰68📝外皮焦香，內裡包住飽滿嘅餃子餡。去骨雞翼做咗天然嘅餃子皮，幾惹味申子居酒屋 𝕊𝕙𝕚𝕟𝕜𝕠📍銅鑼灣渣甸街50號渣甸中心9樓(銅鑼灣🚇E2出口行6分鐘就到)💫評分: 8.2/10💬第一次喺去旺角，呢兩次去銅鑼灣分店！成間嘢氣氛環境都幾好🥰，平日都坐滿食客，每樣嘢食standard都keep到❣️encore嘅items，就喺汁煮左口魚+牛舌🫶🏻 ，嘢食都好

喺銅鑼灣嚟咗呢間喺樓上嘅日式餐廳🥢食午餐🤣午餐餐牌寫住《料理長の極上・午市割烹 ~ 感謝祭期間「極上・午市割烹」 ~ 六折優惠》，咁我哋叫咗兩個🤣$119「燒雞扒定食」：餐牌寫住《無激素雞使用》🤣；雞扒煎香咗，外皮仲煎到脆脆哋，雞肉幾好雞味🤣；仲有一隻生雞蛋可以要嚟撈飯食🤣$167「壽司定食（廚師發辦）配雞白湯手打烏冬」🤣壽司🍣有 三文魚、帆立貝、油甘魚、赤身 等🤣前菜有豆腐 等雞白湯烏冬：烏冬夠滑雞白湯就幾濃郁🤣仲散叫咗個 $168「燒油甘魚鮫」：油甘魚魚鮫新鮮，肉質鮮甜，好味道🤣

下午2:10到達，當時店內只有一檯客人。女店員安排我們坐近門口位置的二人檯，我們要求坐四人大檯，她面無表情的表示可以。女店員長期口黑面黑，我們甫坐下不到三分鐘立即落單，點了三色刺身丼和壽司定食。期間女店員只顧執拾鄰桌，完全無意為客人奉茶，此時男店員見狀，立刻奉上兩杯熱茶。等候十五分鐘仍未見有上菜的動靜，向男店員查詢情況，對方推說指我們剛剛下單不久，廚房需時擺盤。之後再等了十分鐘，終於拿來了刺身丼，餐盤上連筷子也沒有，反過來要客人提點，不知道這算服務態度。食物還可以，但用餐體驗相當不愉快。兩位店員沒有照顧客人的需要及用餐情況，全程木口木面，不曾主動為客人添茶，只顧執檯，而當時店內根本沒有其他客人，亦無客人等位，根本不知道他們在忙什麼，完全沒有服務可言。第一次給差評，四百元的午餐食到一肚氣，絕對無下次。三色刺身丼刺身新鮮，好食，但分量略少。壽司定食亦好吃，烏冬正常發揮。

感謝祭期間「極上•午市割烹」多款午市套餐六折優惠，銅鑼灣樓上舖地方大、冷氣夠、唔少打工仔都嚟食飯豐洲鮪魚拖羅丼 $219大拖肥美油脂甘香，拖羅蓉軟滑香甜，炸蔥絲更突出鮮甜。最欣賞佢個碗斜斜地向住客人，睇得更賞心悅目，食得又更方便麻婆白子豆腐定食 $143件裝豆腐好軟滑，隨個人喜好可以撈埋肉醬食，或者就咁品嚐豆味香濃。白子大大粒好滑好鮮甜，同鹹香嘅麻婆肉醬好夾汁煮左口魚群邊 $118超級肥美軟滑，入口即溶，個汁鹹鹹甜甜唔會太濃味，唔會遮蓋左口魚油香，再配上魚子同黑魚子好鮮甜！

今次再嚟銅鑼灣申子居酒屋，食物質素一流！第一次嚟食lunch 就已經對佢哋好有印象，今次二訪dinner更加令我驚喜😋首先試咗黑松露雞肉芝士雜炊，芝士拉絲好勁，口感滑順，仲有黑松露嘅香氣，好正！三文魚四切，鮮味十足，都幾肥美😝再嚟嘅係鮮蟹肉粥，蟹肉好新鮮，粥底濃稠，食落去暖心又暖胃，咁嘅天氣食呢碗最啱啦🥣汁燒蒜片牛柳粒，牛柳粒煮得剛好，汁又香又濃，蒜片提味更上一層樓🍖鹽燒雞翼，表皮香脆，肉質嫩滑，每一口都咬得到鹽香，超滿足🍗仲有燒油甘魚絞，魚肉超大，肉質結實，食落去好滿足，配搭啲檸檬汁更加醒胃🍋最後試咗汁燒活白鱔，鮮味十足，仲好脆！真係唔可以錯過呀🐟總括而言，今次二訪依然唔令我失望，絕對值得再嚟！希望下次再試多啲新嘢！🎉