Video
Read full review
2020-12-08
77 views
今次介紹既呢間西餐廳以海鮮🦞做主打，shake shake海鮮袋可以話係佢地既招牌菜🌟其實除左海鮮之外，佢地平日都有lunch set供應，呢日lunch同同事唔知食咩好，突然諗起對上一次幫襯呢間已經係舊年既事，咁耐無食就決定去尋找下新鮮感🙉呢度既lunch set總共有8款，價錢介乎98至168蚊，主食包沙律🥗、餐湯🥣同飲品☕️，以港島區黎講算係中位價格🤨******************************🍴餐湯🥣當日餐湯係蕃茄湯🍅，飲落蕃茄味都算濃郁但口感就稀左d，並唔係濃湯個種，同埋入面加左少量芝士粉🧀，飲落會有淡淡芝士味，對於唔食芝士既同事黎講尚可接受🤭餐湯另外附上微暖而且外脆內軟既香草麵包🍞，伴餐湯黎食都唔錯😋-🍴沙律🥗沙律菜上桌前已經撈左沙律醬，個人略嫌醬汁多左少少🤏🏻令到沙律菜既口感比較腍身唔夠爽脆🙈-✨香煎紐西蘭西冷配洋蔥燒汁🥩 ($168)當日我地點左要五成熟，未知係咪因為塊西冷係網燒♨️關係，火候🔥上既控制會比煎既困難，感覺牛扒未到五成熟，切🔪既時候有血水滲出😕 如果可以熟返d，加埋燒烤既味道定會更美味😣伴碟既仲有燒茄子🍆、翠玉瓜🥒同黃瓜，好有燒烤風味😋 至於薯
今次介紹既呢間西餐廳以海鮮🦞做主打，shake shake海鮮袋可以話係佢地既招牌菜🌟其實除左海鮮之外，佢地平日都有lunch set供應，呢日lunch同同事唔知食咩好，突然諗起對上一次幫襯呢間已經係舊年既事，咁耐無食就決定去尋找下新鮮感🙉
呢度既lunch set總共有8款，價錢介乎98至168蚊，主食包沙律🥗、餐湯🥣同飲品☕️，以港島區黎講算係中位價格🤨
******************************
🍴餐湯🥣
當日餐湯係蕃茄湯🍅，飲落蕃茄味都算濃郁但口感就稀左d，並唔係濃湯個種，同埋入面加左少量芝士粉🧀，飲落會有淡淡芝士味，對於唔食芝士既同事黎講尚可接受🤭
餐湯另外附上微暖而且外脆內軟既香草麵包🍞，伴餐湯黎食都唔錯😋
-
🍴沙律🥗
沙律菜上桌前已經撈左沙律醬，個人略嫌醬汁多左少少🤏🏻令到沙律菜既口感比較腍身唔夠爽脆🙈
-
✨香煎紐西蘭西冷配洋蔥燒汁🥩 ($168)
當日我地點左要五成熟，未知係咪因為塊西冷係網燒♨️關係，火候🔥上既控制會比煎既困難，感覺牛扒未到五成熟，切🔪既時候有血水滲出😕 如果可以熟返d，加埋燒烤既味道定會更美味😣
伴碟既仲有燒茄子🍆、翠玉瓜🥒同黃瓜，好有燒烤風味😋 至於薯條🍟係美式製法，炸得夠乾身唔油膩，外脆內軟令我地食唔停口🤣
-
✨泰式海南雞米飯漢堡🐔 ($148)
香脆既米飯漢堡帶有少少薑黃味，我地每人一塊加埋海南雞甜醬黎食，一致認為咁樣食法味道都幾惹味😋
不過始終係西餐廳出品，海南雞既製法同味道就同東南亞餐廳食到既有分別，海南雞肉質夠滑但就未夠正宗，所以呢度會扣返分🤭
-
✨Virgin Sangria🍹 (套餐升級加$38) (單點$68)
當日同同事見到drink menu既飲品🍹圖片望落吸引🤩，而lunch set可以用優惠價升級我地就一齊將餐飲轉配為mocktail🙆🏻♀️
同事既呢杯係有提子汁🍇、橙汁🍊、薑味汽水同鮮果🍏，據佢既分享，飲品既味道偏向汽水，兩款果汁溝埋一齊唔太飲得出佢地各自既味道-
✨Devil’s Chocolate 🍫(套餐轉配加$38) (單點$68)
一開始見到呢杯朱古力既圖片就已經被吸引到😍 佢既味道有d似係飲緊樽裝朱古力奶咁，朱古力味道濃厚但唔會偏甜，加埋面頭既忌廉，飲完之後再食埋粒Mar’s朱古力🍫的確係非常邪惡😈，飲完之後難免會有種罪惡感😂🙈
******************************
👧🏻人均消費：$200 (另+10%服務費)
😋味道指數：3.5/5
💰抵食指數：2.8/5
🪑環境指數：3.5/5
💁🏻♀️服務指數：3.5/5
👍🏻再訪指數：3/5
-
📍Mr. Crab by The Captain's House
地址：灣仔莊士敦道74-78號一樓及地下C號舖
⏰營業時間：12:00–23:00 (Mon–Fri)；
13:00–23:00 (Sat–Sun & Public Holiday)
(📍尖沙咀亦有分店，營業時間有所不同)
Post
