529
29
18
3-min walk from Exit B2, Wan Chai MTR Station continue reading
Telephone
23288511
Opening Hours
Today
12:00 - 23:00
Mon - Sun
12:00 - 23:00
Payment Methods
Visa Master AlipayHK Alipay Cash AE UnionPay
Number of Seats
80
Other Info
Online Reservation
Reward Dining Points
10% Service Charge
Spot payment
About Reward Scheme
Review (602)
Level4 2019-09-08
2547 views
自從冇喺灣仔返工之後,放工真係少咗過海食野。心血來潮今日重遊舊地,呢排食多咗海鮮減少食肉,所以揀咗Mr.Crab呢間以海鮮為招牌菜嘅餐廳🤤一坐低侍應就好貼心咁介紹佢哋嘅餐牌,原來逢星期日至四,餐廳特別精選左某d菜式做半價。今日我地兩樣都有叫,威靈頓牛柳同埋半價mocktail. 好抵呀🤣白酒車厘茄紫蘇燴鱈魚柳,以香草、蒜蓉、檸檬汁調味,外皮煎得金黃,肉質鮮嫩,配埋車厘茄一齊食,酸酸甜甜食到停唔到口🤗脆香軟殼蟹墨西哥軟玉米餅內有紫洋蔥、牛油果、芒果、菠蘿、木瓜、蕃茄莎莎...餡料充足非常豐富,所以我哋都用咗啲努力先成功擺到入口,女仔口比較細所以要分開幾層食。呢款玉米餅絕對係愛辣人士嘅不二之選,辣得來好有墨西哥風味🧡半價mocktail揀左Frozen snow,係荔枝同蘋果汁嘅結合,荔枝嘅清甜配以蘋果嘅酸香,唔會過甜之餘仲有d解渴。特色蟹餅比較迷你,有芝士配檸檬蛋黃醬,脆口得黎非常邪惡。如果有多幾舊就大鑊啦🤪🤪蟹肉卡布里沙蕃茄碗,呢味菜係我指定要叫嘅,作為一個番茄控見到咁大個蕃茄🧡🧡眼是少不免的😂😂 配埋紅椒、Mozzarella芝士,令整體口感更豐富更具層次!至於半價嘅威靈頓牛柳完全冇欺場,雖然portion唔算大,傳統英國菜,我欣賞佢塊酥皮唔會過分油膩,同埋牛柳火候控制亦都出色,呢個價錢冇得彈!有海鮮、有肉食、有意粉...應有盡有!喺灣仔呢個地方食西餐絕對唔會用平黎形容,但Mr Crab嘅價錢絕對公道CP值高,值得encore~~ continue reading
(The above review is the personal opinion of a user which does not represent OpenRice's point of view.)
Level4 2019-08-22
2897 views
朋友生日當然要同佢食好D,今次黎到位於灣仔利東街附近的shake海鮮餐廳,朋友同我都食到好開心!餐廳地下果層係最外賣的,而一上層便是餐廳!餐廳門口位置有個水缸,見到D龍蝦係入面游游下!餐廳以海洋為主題,燈光柔和。座低後店員為我們送上甜爆谷!餐牌上的選擇都有幾多,黎這間餐廳當然要食shake海鮮,另外也點了一個set dinner!set dinner有幾款不同的組合可以選擇,我們揀了2款小食加1款意粉!Signature Combo B($568),shake海鮮我們揀了有5款海鮮的combo,海款包括有翡翠螺、托托蜆、松葉蟹腳、鮑魚仔同埋扇貝,而醬汁揀選了檸檬胡椒醬汁!海鮮鮮甜,翡翠螺、托托蜆同埋鮑魚仔都好爽口彈牙,扇貝都幾大粒,而且好鮮!而松葉蟹腳超大份,蟹肉幾鮮甜!combo仲有薯仔同埋腸仔係入面,唔怕食唔飽!set dinner-水牛城雞翼,水牛城醬份量剛剛好,味道夠辣,雞翼炸得香口!set dinner-墨西哥芝士焗粟米片配蟹肉小龍蝦,估唔到呢個小食咁好食,粟米片除左有莎莎醬,仲有牛油果醬,粟米片中央仲有蟹肉小龍蝦,鮮甜美味,再配上芝士,惹味又可口!set dinner-香蒜辣椒蝦肉意粉,這款意粉冇咁漏,意粉好香蒜味,蝦肉都幾彈牙!Frozen Snow($68)、Citrus Fantasy($68),前者係荔枝沙冰,有淡淡的荔枝味,幾清香!後者係橙汁、西柚汁、檸檬汁再加梳打,酸酸地苦苦地,幾有開胃的感覺!Ice cream Scoop($24),餐廳每日都有不同的優惠,而當天甜品做半價,又咁岩突然好想食朱古力雪糕,所以就叫左一球,雪糕仲有合桃同埋生果作配料,雪糕朱古力味都幾重,苦苦地,唔會太甜!呢間餐廳果然係生日或者慶祝都岩去的好地方! continue reading
(The above review is the personal opinion of a user which does not represent OpenRice's point of view.)
Level4 2019-08-07
1016 views
今晚決定去呢間平時搭電車成日見到既Mr. Crab大刷海鮮。路易斯安那特色蟹餅 ($118)每粒都超足料,每啖都係滿滿既蟹肉!味道本身就鹹鹹地,可以點啲芝士蛋黃醬,更添風味!美式凱撒沙律-雞肉 ($78)準備迎接大餐就一定要食定啲菜平衡下,羅馬菜夠曬爽脆,脆脆既麵包粒仲有煙肉碎,上面有四塊雞胸肉,有芝士碎仲有薄薄既沙律醬調味,係非常正宗既凱撒沙律。燒烤手撕豬肉絲墨西哥軟玉米餅 ($98)呢度竟然有得食墨西哥名物Tacos!好滾動啊,有得揀軟殼蟹或者手撕豬肉,因為已經食左蟹餅所以決定要豬肉。滿滿既豬肉絲係面,下面係紫椰菜、牛油果、芒果、菠蘿、木瓜。有微辣既番茄salsa、酸豆醬仲有乳酪做醬汁。又美味又健康!海鮮袋 ($398)主角黎喇,首先侍應比我地影左相先,跟住就開始搖個袋將醬汁撈勻。三款海鮮我地揀左小龍蝦、鮑魚同埋扇貝。醬汁揀左時令汁、即係帶有椰子味既汁咁特別!小龍蝦本身帶有非常入味既椒鹽味,容易剝殼,可以原隻剝到出黎。鮑魚略帶韌左少少啊。扇貝大大隻,夠曬霸氣。Berry’s World ($34)今日Mocktail半價。咁抵就每人叫左一杯。朋友呢杯係有藍莓、覆盆子、番石榴、楓糖漿、薑啤。Double Happiness ($34)我呢杯就簡單啲,有蔓越莓汁、士多啤梨同鮮榨青檸汁。味道酸甜清爽,仲食到啖啖士多啤梨肉!呢度門口有個漁缸可以見到生猛海鮮。入面座位有三分一都係卡位,需要私人空間啱曬! continue reading
(The above review is the personal opinion of a user which does not represent OpenRice's point of view.)
Level4 2019-07-30
3031 views
今日和朋友往灣仔Mr.Crab by The Captain’s House,我們點了烤美國春雞扒和晚餐(水牛城雞翼, 周打蟹肉湯、面包、蟹肉卡邦尼意粉和棉花糖芝士蛋糕) 、Devil’s Chocolate和Frozen Tropical Hawail。點菜前侍應送上爆谷, 十分有特色,爆谷食落香脆, 甜度適中;烤美國春雞扒賣相吸引, 烤雞烤得金黃香脆, 雞肉肉質鮮嫩, 食落入味啖啖肉, 春雞扒配上醬汁食落惹味,配菜有秋葵, 薯仔、紅椒、黃椒和甘筍, 秋葵, 甘筍和薯仔食落爽脆, , 紅椒和黃椒食落鮮甜, 整份烤美國春雞扒賣相吸引, 美味十足;晚餐我們點了水牛城雞翼, 周打蟹肉湯、面包、蟹肉卡邦尼意粉和棉花糖芝士蛋糕, 水牛城雞翼辣度適中, 食落醒胃, 佐酒一流;周打蟹肉湯溫度適中, 味道香濃, 飲落有啖啖蟹肉味、蔥花能帶出周打蟹肉湯的鮮味;面包熱辣辣, 食落軟綿;蟹肉卡邦尼意粉蟹肉鮮甜味美,蛋汁配上香濃忌廉食落惹味,, 配上意粉食落爽口, 口感滿足;最後棉花糖芝士蛋糕, 棉花糖甜度適中, 芝士蛋糕餅底結實美味, 芝士味香濃, 朱古力醬香濃美味、紅桑子等水果甜度適中;Devil’s Chocolate朱古力和牛奶味道香濃, 忌廉香滑, 配上朱古力碎口感滿足;最後Frozen Tropical Hawail飲落有鮮甜波蘿和芒果味, 飲落消暑, 口感清新。餐廳以繩為裝飾, 很有格調、餐廳座位舒適, 食物美味、份量十足, 適合三五知己聚會好地方。 continue reading
(The above review is the personal opinion of a user which does not represent OpenRice's point of view.)
Level4 2019-07-26
2658 views
今晚同好友慶祝生日, 佢見我上次食過the captain house, 佢又好想食, 所以我帶左佢黎wan chai 呢間~~Signature combo $398, 可以揀3款海鮮, 我地揀左蜆、鮑魚、松葉蟹~~source 我地要左檸檬忌廉, 真心呢隻醬配海鮮真係好match!!食到海鮮鮮味,d蜆又鮮又肥美, 鮑魚大大隻, 松葉蟹食落啖啖肉,份量都幾多,入面仲有薯仔、栗米,都幾飽肚,醒胃~~沙律叫左個牛油果蕃茄沙律, 牛油果熟得岩岩好, 好食; 蕃茄都好FRESH~另外叫左烤到好juicy既雞肉串燒,飲品叫左杯SUNSET, 雞肉啖啖肉, 芒果汁好正, 而杯SUNSET 係橙汁+TOMATO JUICE, 飲落好清新~  仲點左MAIN COURSE 鮮蝦忌廉蝴蝶粉, 蝴蝶粉又彈又好食, D 蝦都好靚~~最後叫左個薯條大家SHARE, 一人一條好香脆,正~~食完朋友表示好滿意餐飯~~  continue reading
(The above review is the personal opinion of a user which does not represent OpenRice's point of view.)