品 (Closed)

中環要搵個坐得舒服嘅地方lunch meeting除咗酒店，呢間餐廳係我近排突破性嘅發現，之前有同事介紹過我來呢度Happy Hour，坐得好舒服，發現原來呢度竟然有lunch，價錢仲係百幾蚊，所以近排同啲同事或者同客嚟呢度lunch meeting，個個都話我選擇得好好。Lunch set 好多款都係中西合璧嘅配搭菜色，我覺得冇淨係食西餐咁拘謹， lunch又唔會飲酒變咗喺度飲茶，呢度茶嘅味道好清新而且好嚴格，中菜會有少少油膩配埋茶一齊食，真係very good。我叫咗個和牛炒陳村粉，其實即係類似乾炒牛河，但用料高級左，同唔會好油，日式便當形式上枱，配埋不同配菜，南乳雞亦好香，蝦丸好彈牙，連菜都好鮮甜。同事食左鮮蝦炒魚麵，鮮蝦無穀，食得好方便，魚麵淡淡鮮甜，彈牙有口感，好味。是日靚湯只係加$25，每次來必點，今試係淮山海底椰燉湯，真材實料，好濃味超好飲。