樂天大喜屋 (Closed)

今日V仔同麗妹又係平日放假嘅時候，大家都放縱一下，食個大完足。V仔一直鍾情日式放題同任飲任食。但麗妹就要慳家，有啲衝突喎，不過200蚊筆直，旺角大喜屋係首選。睇過大喜屋食評，話服務慢慢，同前陣子有食物問題，V仔同麗妹較早之前都有食開大喜屋，又無發現有咩問題。所以我地就選擇左再去一試。兩人去到排左一陣隊，前台客服安排得好快，我地響落單時都大叫突叫，刺身要，壽司要，榴蓮炸波波要。刺身算新鮮，唔腥，V仔較like 貝類刺身，鮮甜，爽口。特別係帶子，介乎爽爽地，好鬼甜，叫左好幾轉先滿足到。赤蝦大大只，都是好甜口焗蠔，加左沙律醬一起焗，好鬼魔鬼👹，但好好食，蠔唔會太熟太韌，剛剛好有鮮蠔味。非常值得推介嘅係牛肉煱，唔試唔得，牛肉唔係薄唔係太肥有牛味，唔韌口，因為係生牛煱，唔會太老，肉質剛剛啱晒。麗好就非常鍾意佢嘅燒波羅，多汁鮮甜。V仔都食左幾塊，係好嫩口吓。兩人一直食到人地cut單先停口，真是唔錯。