極尚大瀛喜日本料理 (Closed)

同同事去食依間lunch，發現而家lunch好抵食，點解會咁講呢。店員會問你食放題定定食，咁我地lunch hour得1個鐘，當然定食就算啦。原來佢既前菜小食你可以任拎任食，依佢收個價錢都係你叫定食既價錢炸!以下就定食既餐牌同價錢，你會見到都係around $50-$80到，但佢包埋甜品野飲小食所有野。好，咁講返d野食先，小食就有各種各類既，但我冇影到，不過好食個d我就有影到我就拎左中華沙津，泡菜，炸薯條，仲有豉油雞翼，但我想講如果你係鍾意食雞翼你係會停唔到，我未食個定食都已經食左6隻haha，依d野食就冇乜好評論，只係普通既菜式。首先我叫左個極尚海鮮丼拼炸物，但個飯太酸，而且d魚生食落都唔得完全食得出個味道係水準以下，不過$52依個價錢可以食咁多都算係咁。