加太賀

Open Now

Now Closed

近期公司請了新人，人多咗Lunch搵食真係難度高咗，大家都知紅磡區真係好多小店，又唔多坐位。又唔想等位，又可以坐得多人，就走進加太賀街。帶位姐姐帶我哋去咗裝修較新嘅舖入面，裝潢日本風，燈光都光猛咗。六個人比了間大房，坐得都幾鬆動。本人最鍾意食熟嘅三文魚，就點咗個紅茄子魚頭豚肉鍋 ($50)上菜都好快，落單後唔駛十分鐘就到，以鍋物嚟講算快，午市應該都煮定好多煲。一見過鍋，都幾多嚿蕃茄，蕃茄湯底都幾濃。鍋裡有一兩嚿仔豆腐，如果多番啲就會更好啦。講番個主菜三文魚頭，炸過之後再煮，蕃茄湯都滲入個三文魚頭，雖然個魚唔太滑，但都算ok啦。 但啲豚肉比較肥咗啲，近期大食咗，碗飯都食鬼晒。