Video
Read full review
2017-08-06
1126 views
嚟到呢間位於尖沙咀鬧市，嘉威大厦入面嘅Layback Cafe & Bar。餐廳嘅面積唔算大亦唔算細，入到去有少少似去咗人哋屋企嘅感覺。由佈置睇嚟，似乎花咗唔少心思。佢哋另外仲有室外座。走出去八卦一下，座位比室內仲多呢！呢度仲有個有少少日式feel嘅高台位，坐晌上面食嘢嘅話應該幾得意。食物方面選擇唔太多，主要以意粉同小食為主。佢哋始終係間樓上咖啡店，所以飲品餐牌就豐富得多。呢次叫咗幾樣嘢試，等咗陣店員就拎到嚟喇。芝士煙肉焗有機大燒烤菇，幾乎每次睇到餐牌入面有類似嘅菜式嘅話都會叫嚟食，因為配搭穩陣又唔易失手。大燒烤菇juicy，中間嘅芝士有微微拉絲效果，配埋煙肉絲，正常嚟講無可能唔好食。香蒜白酒蜆肉露筍扁意粉，用四隻連殼蜆肉點綴，賣相吸引。扁意粉軟硬度適中，蒜味香濃，微辣惹味。當中仲有唔少蜆肉、磨菇片同露筍，以一間樓上咖啡店嚟講水準唔錯。貢菊杞子茶，睇住啲花晌壺入面飄浮，唔知點解有種莫名嘅治癒感。菊花芳香撲鼻，杞子清肝明目，飲起上嚟仲有陣陣甜味，好順喉。士多啤梨朱古力沙冰，餐牌寫係新出嘅。同士多啤梨一齊打碎，令朱古力多咗份果味酸甜。藍莓芝士蛋糕，上面嘅藍莓醬都幾多。芝士蛋糕香軟微酸，完全
嚟到呢間位於尖沙咀鬧市，嘉威大厦入面嘅Layback Cafe & Bar。
餐廳嘅面積唔算大亦唔算細，入到去有少少似去咗人哋屋企嘅感覺。
由佈置睇嚟，似乎花咗唔少心思。
佢哋另外仲有室外座。
走出去八卦一下，座位比室內仲多呢！
呢度仲有個有少少日式feel嘅高台位，坐晌上面食嘢嘅話應該幾得意。
食物方面選擇唔太多，主要以意粉同小食為主。
佢哋始終係間樓上咖啡店，所以飲品餐牌就豐富得多。
呢次叫咗幾樣嘢試，等咗陣店員就拎到嚟喇。
芝士煙肉焗有機大燒烤菇
16 views
1 likes
0 comments
芝士煙肉焗有機大燒烤菇，幾乎每次睇到餐牌入面有類似嘅菜式嘅話都會叫嚟食，因為配搭穩陣又唔易失手。
芝士煙肉焗有機大燒烤菇
21 views
1 likes
0 comments
大燒烤菇juicy，中間嘅芝士有微微拉絲效果，配埋煙肉絲，正常嚟講無可能唔好食。
香蒜白酒蜆肉露筍扁意粉
25 views
1 likes
0 comments
香蒜白酒蜆肉露筍扁意粉，用四隻連殼蜆肉點綴，賣相吸引。扁意粉軟硬度適中，蒜味香濃，微辣惹味。當中仲有唔少蜆肉、磨菇片同露筍，以一間樓上咖啡店嚟講水準唔錯。
貢菊杞子茶
14 views
0 likes
0 comments
貢菊杞子茶，睇住啲花晌壺入面飄浮，唔知點解有種莫名嘅治癒感。
貢菊杞子茶
15 views
0 likes
0 comments
菊花芳香撲鼻，杞子清肝明目，飲起上嚟仲有陣陣甜味，好順喉。
士多啤梨朱古力沙冰，餐牌寫係新出嘅。同士多啤梨一齊打碎，令朱古力多咗份果味酸甜。
藍莓芝士蛋糕，上面嘅藍莓醬都幾多。芝士蛋糕香軟微酸，完全唔覺得漏。
雖然離尖沙咀地標The OXX唔遠，但就有種幽靜嘅感覺。平日夜晚嚟到，食完嘢之後都無被催促離座，睇嚟係個唔錯嘅休息地方。
Post
