Video
Read full review
2018-04-15
647 views
呢間本來見唔差都bookmark左一段時間想試，不過有啲店真係試一次就夠，其實最主要唔係野食問題，係店員真係唔係好得。門口其實係同和民一人一半，兩邊都叫號碼既時候都幾疊聲，入面都係普通餐廳西式格局。因為想飲湯就叫左《法式芝士洋蔥湯》($38)，洋蔥味都幾濃，加上面頭有包同芝士浸埋湯食更入味。第一道意粉黎喇，《溫泉蛋蒜香磨菇鮮製意粉》($68)意粉波浪狀有咬口又唔會太韌都唔差，溫泉蛋拮開蛋汁撈埋蒜炒既磨菇，有少少蒜香味本來都覺得野食唔錯。但係第二個黎既《海蝦牛油果羅勒忌廉意粉》($98)，我都明好多時同餐牌都圖文不符，但我已經睇過好多張其他人之前食，都係有切粒牛油果係面。之但係我果碟一黎到係連碎都搵唔到，店員同我講係熱到溶哂，係成碟所有牛油果溶哂，真係呢個咩答案黎！！而且之後食落都唔覺有既。服務方面除左答我呢個答案既疑似店長，一個係咩都唔知又唔記得你叫過落單既店員，一個係埋單俾完張單你就去同人吹水，最後唔會記得你埋單既店員，點再幫襯！？店名：意粉狂熱地址：旺角彌敦道639號雅蘭中心2樓208號舖餐牌:
呢間本來見唔差都bookmark左一段時間想試，不過有啲店真係試一次就夠，其實最主要唔係野食問題，係店員真係唔係好得。
門口其實係同和民一人一半，兩邊都叫號碼既時候都幾疊聲，入面都係普通餐廳西式格局。
因為想飲湯就叫左《法式芝士洋蔥湯》($38)，洋蔥味都幾濃，加上面頭有包同芝士浸埋湯食更入味。
第一道意粉黎喇，《溫泉蛋蒜香磨菇鮮製意粉》($68)意粉波浪狀有咬口又唔會太韌都唔差，溫泉蛋拮開蛋汁撈埋蒜炒既磨菇，有少少蒜香味本來都覺得野食唔錯。
但係第二個黎既《海蝦牛油果羅勒忌廉意粉》($98)，我都明好多時同餐牌都圖文不符，但我已經睇過好多張其他人之前食，都係有切粒牛油果係面。之但係我果碟一黎到係連碎都搵唔到，店員同我講係熱到溶哂，係成碟所有牛油果溶哂，真係呢個咩答案黎！！而且之後食落都唔覺有既。
服務方面除左答我呢個答案既疑似店長，一個係咩都唔知又唔記得你叫過落單既店員，一個係埋單俾完張單你就去同人吹水，最後唔會記得你埋單既店員，點再幫襯！？
店名：意粉狂熱
地址：旺角彌敦道639號雅蘭中心2樓208號舖
餐牌:
Post
