Video
Read full review
2017-09-02
3951 views
食過咁多放題, 講真令我印象最深既其中一間放題就係位於旺角港鐵站一出行幾步就到既吉壽, 交通方便、抵食、選擇多, 我大約4個月前黎過後介紹左D朋友去食, 食過個個都話冇介紹錯!於是今晚同朋友係朗豪坊睇完戲, 就走過對面既吉壽食放題, 正正係平日9:30時段, 價錢都係HK$213(另加一), 對比任飲任食黎講, 的確係好抵!!!何況食日本野, 更有信心回本!沙律、冷盤、少量熟食、甜品、乳酩都係自助形式自取, 出面更有個大雪櫃, 放滿唔同款式既飲品, 就連啤酒都有tim~先黎一盤刺身, 刺身均為厚切, 絕不馬虎, 刺身以冰墊底, keep住新鮮溫度。就連珍寶大赤蝦都有提供, 肥美爽甜, 正!!軍盤、卷物、手卷、壽司款式同樣地多, 每件壽司都細細件, 食多幾件都唔會咁快飽。最重要係料係多過舊壽司飯ga...京蔥三文魚腩壽司: 腩位肥美, 配上京蔥, 香口之餘, 更增添口感芝麻雞翼: 表面炸得好乾身, 入口香脆可口, 內裡仲有Juicy肉汁ga芝士焗帆立貝: 芝士味什濃, 但幾油避風塘炒蟹: 唔知自己encorn左幾多碟, 平時係出面食蟹, 都百幾蚊隻 (even自己街市買都唔平), 出奇地
於是今晚同朋友係朗豪坊睇完戲, 就走過對面既吉壽食放題, 正正係平日9:30時段, 價錢都係HK$213(另加一), 對比任飲任食黎講, 的確係好抵!!!何況食日本野, 更有信心回本!
沙律、冷盤、少量熟食、甜品、乳酩都係自助形式自取, 出面更有個大雪櫃, 放滿唔同款式既飲品, 就連啤酒都有tim~
先黎一盤刺身, 刺身均為厚切, 絕不馬虎, 刺身以冰墊底, keep住新鮮溫度。就連珍寶大赤蝦都有提供, 肥美爽甜, 正!!
軍盤、卷物、手卷、壽司款式同樣地多, 每件壽司都細細件, 食多幾件都唔會咁快飽。最重要係料係多過舊壽司飯ga...
京蔥三文魚腩壽司: 腩位肥美, 配上京蔥, 香口之餘, 更增添口感
芝麻雞翼: 表面炸得好乾身, 入口香脆可口, 內裡仲有Juicy肉汁ga
芝士焗帆立貝: 芝士味什濃, 但幾油
避風塘炒蟹: 唔知自己encorn左幾多碟, 平時係出面食蟹, 都百幾蚊隻 (even自己街市買都唔平), 出奇地呢度有!! 炒得好入味, 肉質唔會水汪汪, 起碼有肉食~
串燒類我就食左 串燒蝦、雞軟骨
串燒蝦: 雖然細隻, 但唔係死蝦, 肉質幾爽, 表面加左少少鹽吊味
雞軟骨: 邊位燒得帶點焦, 很有炭燒香味, 口感爽脆, 帶咬口
牛油粟米: 牛油味很突出
天婦羅炸蝦: 表面略帶點脆, 唔會太油, 入面隻蝦仲幾爽
最後到甜品, 我就拎左3.6牛乳 同埋 木糠布甸
3.6牛乳口感好滑, 不過牛乳味很淡
木糠布甸太多cream, 塊oreal林的
正當對甜品冇咩期望時就去支左乳酪雪糕食, 咁岩有我至愛既蜜瓜味, 仲有幾款配料任加
蜜瓜味乳酪雪糕 為甜品呢part搶返唔少分數, 幼滑之餘, 蜜瓜味好突出, 於是又encorn左好幾杯。
另外更有多款雪糕雪條選擇。
食放題最怕d野缺貨/野食黎得慢/order野唔齊/又漏單, 而今次我係最後既時段入座, 但都沒有缺貨問題出現, 最後臨last order, 侍應仲會問我地有冇咩野食唔齊/未黎, 如果有就會幫我地跟進, 保證所有食客都可以食齊已點既野食。
整體黎講, 水準對比幾個月前我黎既時候都仲keep到, 希望吉壽可以長keep落去, 有機會我定必再黎幫襯!
Post
