事關好多人都黎慶祝生日，因為佢地有個芒果糯米飯蛋糕，仲會播生日歌添！
不過我地今次就只係普通食個飯，
就冇特別叫芒果糯米飯蛋糕啦。
除咗芒果糯米飯蛋糕，呢度都有特色菜！
Thai In 火焰燒春雞 HK$228
叫咗之後都要等半個鐘左右，所以一去到就早啲叫啦！
即燒嘅春雞估唔到係勁Juicy！
一搣個雞髀出嚟，就流晒雞汁啦！
肉地都好嫩滑，一啲都唔嚡架。
炭燒豬頸肉 HK$108
呢個豬頸肉勁大塊，同埋份量都唔少，
佢個汁我都幾鍾意，帶有少少酸又甜甜地，
可以中和返肉嘅油膩感。
泰媽媽蟹肉煎蛋 HK$108
呢個又係勁大份，我諗三個人食會比較好，
我哋兩個人都食唔晒。
泰式千層糕 HK$38
呢個千層糕係比較軟腍腍嗰款，好有泰式椰子糖嗰個感覺。
