Video
Read full review
2014-09-04
5548 views
由於是網上訂的, 加上平日5:30pm去到都人流少, 所以當然不用排隊, 直接入座.順便講埋點解中意Jamie Oliver, 除左佢係英國靚仔廚師, 佢仲好推廣烹飪(可見最近youtuxx 有佢同其他出名既煮食朋友既視頻.)喜歡原味及有機食材, 幫助改變英國學校的飲食習慣. (呢d係電視節目睇到, 真人當然未見過.)講返正題, 我同友人點了 2杯酒精果酒, 2個前菜, 1個麵食, 1個主菜, 1個甜品. 夠哂飽.- BELLINI (prosecco & peach puree) (右) $ 45prosecco汽酒及水蜜桃醬, 香甜既香氣, 但唔係好甜既酒, 由於有汽, 味道似啤酒, 但冇麥味, 變了桃味.好飲, 餐前酒很岩. - ROSSINI (prosecco & berry puree) (左) $55同是prosecco汽酒, 呢個加左莓醬, 味道也差不多同上, 只係比較酸, 友人不太喜歡. 不過2款汽酒都好靚好吸引, 好岩女仕飲.- crab & avocade bruschetta 蟹肉牛油果麵包 $70鮮蟹肉一絲絲好有鮮味, 配埋底層既蘋果絲, 味道清爽. 跟旁邊的
順便講埋點解中意Jamie Oliver, 除左佢係英國靚仔廚師, 佢仲好推廣烹飪(可見最近youtuxx 有佢同其他出名既煮食朋友既視頻.)
喜歡原味及有機食材, 幫助改變英國學校的飲食習慣. (呢d係電視節目睇到, 真人當然未見過.)
講返正題, 我同友人點了 2杯酒精果酒, 2個前菜, 1個麵食, 1個主菜, 1個甜品. 夠哂飽.
- BELLINI (prosecco & peach puree) (右) $ 45
prosecco汽酒及水蜜桃醬, 香甜既香氣, 但唔係好甜既酒, 由於有汽, 味道似啤酒, 但冇麥味, 變了桃味.
好飲, 餐前酒很岩.
- ROSSINI (prosecco & berry puree) (左) $55
同是prosecco汽酒, 呢個加左莓醬, 味道也差不多同上, 只係比較酸, 友人不太喜歡.
不過2款汽酒都好靚好吸引, 好岩女仕飲.
- crab & avocade bruschetta 蟹肉牛油果麵包 $70
鮮蟹肉一絲絲好有鮮味, 配埋底層既蘋果絲, 味道清爽. 跟旁邊的牛油果醬及蟹肉醬, 味道更能提升.
蟹味濃郁左, 牛油果同蟹也好夾. 只係個烤麵包太硬, 也太韌, 很難切開, 也很難咬開.
- cured meats (醃製肉類拼盤) $79/per person
按人數黎order, 但我地叫左一人份, 也可以切開醃肉黎分享, 試試味.
由淡口味至濃味黎食, 開心果火腿好幼軟清淡, 食得好舒服. 茴香肉腸較硬身肉味重.
prosciutto火腿 嫩滑肉味濃,又帶咸香. 辣肉腸最硬身, 有咬口得黎少少辣, 好惹味.
cold cut 上有點泡辣椒, 唔辣, 也唔刺喉嚨既酸酸地, 同橄欖一樣甘好味.
清脆紅蘿蔔及甜菜沙律配檸檬薄荷, 沒什麼味, 好清, 果然用黎清清味蕾.
配以水牛芝士清淡到只有少少奶味.
羊奶芝士味道濃, 配埋薄脆片, 我好喜歡. 芝士上有點辣椒醬, 食落似酸甜辣椒醬, 原來好夾芝士.
下次可以點家試試呢個配搭. (題外話: 芝士配蜜糖也好正)
- squid-ink spaghetti 墨魚汁意粉 $87/small
墨魚汁加入麵粉中製成意粉, 食時很方便. 意粉好夠墨汁鮮味, 質感有彈性, 自家製係唔同d.
佢都煮到al dente, 但同平時既意粉唔同, 佢會軟身少少, 有彈性d.
(我反而中意其他店的al dente得黎硬身d.)
帶子片太薄, 可以厚身d, 而且煮得過熟, 也沒什麼味.
個汁有鯷魚, 令個意粉更有咸鮮味.
- 10oz rib-eye steak with truffle butter & funky chips
(10安士肉眼配松露牛油伴蒜香薯條) $320
要左5成熟, 碳燒得岩岩好, 好香燒肉既香味, 切開見到粉紅色, 咬落好多幼嫩肉汁, 有肉味但唔係好重.
特別加 $20 要個松露牛油, 唔太食到松露味, 只有淡淡牛油, 唔加都可以. (唔識欣賞)
配上野生蘑菇, 好濃好濃蘑菇味, 本人唔係太受到.
旁邊既苦苣菜沙律, 有好清新檸檬汁dressing, 簡單好味. 減低肉類既油膩.
最吸引我同友人既反而係蒜香薯條, 超強蒜味, 薯條夠粗夠熱, 又香脆. 讚
- tutti frutti lemon meringue pie 糖漬水果檸檬批 $65
面層馬令做得好好, 好綿花糖質感, 燒得好靚. 檸檬批夠哂酸, 酸到友人頂唔順, 本人還可接受.
上層既極甜配下層既激酸, 緊緊中和左, 最底層既薄薄餅底香脆, 冇咩牛油味.
最特別係少見於香港既甜品上有糖漬水果, 好甜好甜, 應該用西柚做, 有點帶澀, 要配批內檸檬餡才中和到.
食完埋單$700幾, 算貴架啦, 但新開又係jamie粉絲, 所以都值得一試.
Other Info. :
quick tip guide : 10%, 12.5% 15%, no thanks!
有中/英文menu.
(The above review is the personal opinion of a user which does not represent OpenRice's point of view.)
Post
