Video
Read full review
2021-10-30
1363 views
久違了的Fine Dining😍Book咗兩個月，終於可以食到無論餐廳環境，食物質素，工作人員包括主廚都好殷勤熱誠去照顧每一枱客人，真係大讚就連主厨Austin Balbi親自出場安排其中一道菜，更鬼馬地同我哋嚟張selfie令我最深刻印象係每道菜都會以一幅畫去代表佢嘅創作意念。一開始你係唔知道個真正Menu有咩食，工作人員亦會預先送上一個信封，裡面有不同意景嘅插畫，當每上一道菜嘅時候，工作人員會細心介紹食物同有關嘅故事，然後就等客人去思考搵返相關插畫做matching，再放上預備好嘅卡座插好影相。聽完每個故事發展，再細味品嚐食物，無論係視覺或味覺又或是心靈感覺都跟平時就咁介紹食材有幾名貴高質嚟得更有意義😍。整體食物質素都非常好，頭盆係Beef tartare, citrus, avocado, kristal caviar，因我個人唔食Dairy products，主厨就另外安排Shiso(紫蘇)，味道清新同beef tartare & caviar 意外地夾。到主菜我仲特意喺和牛上加上時令white truffle，味道雖然冇預期咁香，但都好食。 另外要推介一下個龍蝦湯飯，通常食到
Book咗兩個月，終於可以食到
無論餐廳環境，食物質素，工作人員包括主廚都好殷勤熱誠去照顧每一枱客人，真係大讚
就連主厨Austin Balbi親自出場安排其中一道菜，更鬼馬地同我哋嚟張selfie
令我最深刻印象係每道菜都會以一幅畫去代表佢嘅創作意念。一開始你係唔知道個真正Menu有咩食，
工作人員亦會預先送上一個信封，裡面有不同意景嘅插畫，當每上一道菜嘅時候，工作人員會細心介紹食物同有關嘅故事，然後就等客人去思考搵返相關插畫做matching，再放上預備好嘅卡座插好影相。聽完每個故事發展，再細味品嚐食物，無論係視覺或味覺又或是心靈感覺都跟平時就咁介紹食材有幾名貴高質嚟得更有意義😍。
整體食物質素都非常好，頭盆係Beef tartare, citrus, avocado, kristal caviar，因我個人唔食Dairy products，主厨就另外安排Shiso(紫蘇)，味道清新同beef tartare & caviar 意外地夾。到主菜我仲特意喺和牛上加上時令white truffle，味道雖然冇預期咁香，但都好食。 另外要推介一下個龍蝦湯飯，通常食到咁上下就會有飽滯感，怕食湯飯會更滯，但無論味道同份量都恰到好處，食完仲想再encore。去到尾聲，就連甜點都有驚喜，成餐飯完全由頭食到尾，冇嘢淨
完成晚餐，更誠意送上自家製抹茶蛋糕俾大家拎返屋企再慢慢品嘗，絶對係細心同貼心安排。
聽餐廳GM講，佢哋會4至6星期左右轉吓Menu，唔怕等得耐，就點都上網book定下一餐啦
13 views
0 likes
0 comments
Post
