山田壽司刺身外賣店 (Closed)

今日因爲工作關係，就來到龍門居入面覓食喇！原來龍門居入面嘅食肆真係多不勝數，台灣嘢又有、西餐又有、快餐又有、茶記燒味泰菜，住係度都唔愁無飯開！想食山田好耐，但每次都迫滿人，可能時間關係，今日竟然無人食，梗係嗱嗱臨入去坐低嗌嘢食啦！今日嗌左個日式牛肉鍋，sukiyaki永遠係我嘅all time favourite，尤其係而家涼涼地嘅天氣！其實佢個鍋都幾抵食，入面滿佈肥牛片，仲有蛋、菜、粉絲、冬菇、豆腐、金菇，外加個白飯同埋炸物，賣相都幾靚仔！教大家一個食法吖！平時我會用蛋黃撈飯，加少少湯，甜甜地，又暖又好食！大家不妨試試！