Doux (Closed)

假期前夕，遇上要外出上堂，嗰心都去咗放假，原本一個人食飯比較隨意，但既然lunch time比較長，而且係放假心情，加上旺角區餐廳林立，一於食好D，最後選了樓上食店「Doux」。餐廳位處商廈的中層，加上落地玻璃窗，室內光猛且開揚。選了窗邊的位置，雖然只是樓景，但都為這頓飯加了不少分。食物以西式為主，有意粉、漢堡及扒類，午市套餐由70元起，已包括餐湯、沙律、主菜及餐飲，價錢算相宜。是日餐湯是南瓜湯，南瓜打蓉後煮湯，濃稠適中，湯面灑上香草，令湯味更出，如果有一小塊麵包配湯就更好。沙律是煙鴨胸沙律，鴨胸幾肥美，但沙律菜冇乜醬汁，比較乾。主菜選了南瓜·蟹肉意大利飯，落單時侍應指南瓜轉了粟米，因為想食飯就沒所謂。意大利飯很creamy ，而且不是很硬。餐飲點了不用加錢的白桃冰茶，雖然是開糖水的那款，但甜度適中。