380
50
12
3-min walk from Exit B3, Mong Kok MTR Station continue reading
Telephone
28082520
Introduction
Doux was created by cirgorous toungsters with full experience of pastry. Serve a variety of characteristics of desserts for customers. continue reading
Opening Hours
Today
12:00 - 00:00
Mon - Sun
12:00 - 00:00
Payment Method
Visa Master Cash
Number of Seats
50
Other Info
Online Reservation
Alcoholic Drinks
May Bring Your Own Wine
Cake-cutting Details
Reward Dining Points
Delivery
10% Service Charge
About Reward Scheme
Review (472)
Level4 2018-09-17
440 views
前日同朋友去開旺角行,口痕痕想食西餐就揀咗呢一間餐廳,但係個名唔係好識讀,但係睇佢嘅食評嘅相發覺佢嘅菜式好特別,有好靚所以試吓。環境裝修簡單,帶一啲幽暗,俾人一種好適合傾計嘅格調。頭盤叫咗個三文魚沙律$98, 沙律好新鮮配左黑醋汁再加三文魚好正當嘅配搭,好食。跟住叫咗個藍青口香檳忌廉汁意粉$138, 藍青口新鮮好爽甜,依家執袋有少少嘅香檳味而且份量啱啱好意粉就煮得好彈牙House burger $128, 漢堡個麵包同平時食開嘅唔同鬆軟好多,中間塊牛肉當然唔使講係靚野,好多肉汁煮到五成剛剛好Molecular starry drink $56, 顏色睇落好靚,味道有少少似運動飲品幾特別最後到呢一個甜品Lava $98,個樣好似一舊木頭放咗喺度諗,其實嗰個係朱古力軟心蛋糕,隔離嗰個係奶茶雪糕,下面嗰啲木碎應該係朱古力粉,賣相已經好特別,食落味道非常之好,朱古力蛋糕香濃,奶茶雪糕味好香奶茶味,味道亦都好濃郁,另外一個驚喜係木頭下面放咗一啲用來做泰式甜品嘅棉花糖絲喺度,令到個蛋糕唔單止有朱古力嘅甜味仲有糖絲嘅香味。所以呢一餐唔單只係美國嘅享受中係視覺嘅享受 continue reading
(The above review is the personal opinion of an user which does not represent OpenRice's point of view.)
Level4 2018-08-19
1544 views
同事推介過我好幾次說Doux很好吃,特別是甜品更叫他難忘!一而再再而三叮囑我有機會要去嘗一嘗。看他這樣落力推介,於是查看下Doux到底有多吸引!分子料理般的甜品餐牌多選擇、賣相亦不俗。好吧,訂位!位於太子、旺角之間的Doux,即使是平日晚上,餐廳都是座無虛席。才不過七點左右,餐廳已全滿,幸好有先訂位。餐廳以西餐為主,法國青口、意大利飯、美式漢堡、日式磯煮都有!我們先點煙三文魚沙律($98),煙三文魚份量頗多,沙律菜有合桃果仁、車厘茄、紅生菜為主,而黑醋另上。每次吃西餐總先點沙律已成為習慣,大概因為喜歡黑醋的原因吧!有酸中有甜的黑醋作始,胃口大增,如果有餐包提供的話更一流。主菜點了法國活藍青口香檳忌廉汁意粉($138),以前在Citisuper購買過藍青口回家烹煮,它肉質嫩滑,即使不使用任何調味料都能吃得到它的鮮味。所以再有的話定必選擇!藍青口帶有獨特黑藍色的外殻,體積較細小,大概只有一兩吋長,但肉質入口鮮嫩味美,確實不俗!經典漢堡($128),漢堡扒份量厚實配上惹味煮洋蔥和芝士絕對是經典配搭!值得一讚是麵包棄用了漢堡包平常用的芝麻包改用了奶油豬的鬆軟麵包!配上香濃芝士,麵包質地又帶煙韌,滋味十分!!粗薯仔亦炸得香脆、有口感,值得一試。我地再點了兩杯特飲:日本青梅西瓜梳打和薰衣草椰青檸檬冰($56),兩杯特飲入口冰涼消暑至極到了期待的甜品!眾多口味之中,還是選擇了我喜愛的berry’s,周邊細碎的是野莓,入口冰凍,放於上面整個士多啤梨造型的其實是芝士慕絲,質地creamy,味道卻似是乳酪口味,甜而不膩,剛剛好可以中和先前主菜的飽膩感!賣相能有進步空間而味道則不過不失。期待下次有機會再品嘗其他創意甜品! continue reading
(The above review is the personal opinion of an user which does not represent OpenRice's point of view.)
Level4 2018-08-19
1031 views
7, 8月呢D日子總係特別多人生日既....今次我就同朋友泥左呢間DOUX度慶生~柔和既燈光....俾人感覺好舒服,,,,XD**根據我目測現場有好多枱都係同朋友慶祝生日架!!!因為我見到唔小枱面都有生日蛋糕, 又或者甜品插左蠟燭~ 嗌野食先...第一眼完全俾甜品既MENU吸引左,,,每一款都好靚, 好colourful!!!煙三文魚沙律 $98中間個塊煙三文魚卷到成朵花咁.....配埋紅色既士多啤梨, 黃色既車厘茄, 同埋綠色既沙律菜~色彩繽紛, 賣相好靚!!三文魚新鮮, 味道咸香,沙律菜新鮮爽脆....非常開胃**法國活藍青口香檳忌廉汁意粉 $138藍青口好鮮甜, 肉嫩無渣~配埋香檳忌廉汁, 更加提升左藍青口本身既鮮味**意粉彈牙, 如果份量可以多小小就Perfect喇!!House Burger $128超厚身既漢堡扒, 咬落juicy唔乾~入面仲係粉紅色架,  軟嫰適中!!肉味都幾濃郁~而且麵包烤得夠香, 整體都做得唔錯**Ruby Peach $98單係外表就已經超呃like喇!!!原來唔單止樣靚, 仲好有內餡~切開有流心架!!!酸酸甜甜咁, 好好食**原來甜品先係呢一餐既主角呀** continue reading
(The above review is the personal opinion of an user which does not represent OpenRice's point of view.)
Level4 2018-08-11
1299 views
趁暑假唔使返工,約了個大家都鍾意花嘅舊同事去花墟買花。逛花墟前先來個late lunch傾吓計。彌敦道726號那座大廈樓上原來有好多間食肆,參考完OpenRice的食評後就決定選擇DOUX!喜歡餐廳的落地玻璃,夠開陽,出面雖然下着雨,望着雨景進餐別有一番滋味。旺角樓上Café 嚟講, DOUX 算得上寛敝舒適。因已過繁忙時段,沒有太多枱食客,感覺非常輕鬆悠閒,這𥚃絶對是我們傾計的理想餐廳。鴨胸田園沙律鴨胸油甘甚香,配以極度醒胃的香醋和新鮮沙律菜,確實是個唔錯的開胃前菜。甘筍湯甘筍蓉清甜,稠度適中,口感豐富,有別於其他忌廉湯的腻滯感覺,朋友很鐘意。烤西班牙黑毛豬黑毛豬肉已經比一般豬肉來得香,再加上廚師把肉烤得到位,能鎖住肉汁,食落唔會好乾,肉質又嫩又鬆,配埋黑醋蜜糖汁一齊食,好味加好味!慢煮BB豬肋排豬肋排好大塊,BB豬肉質已經好嫩,再用慢煮的方式烹調,令肉質更加嫩滑,有入口即溶嘅感覺。食罷主菜,再來一杯檸檬茶消滯,更加完美。 continue reading
(The above review is the personal opinion of an user which does not represent OpenRice's point of view.)
Level4 2018-08-09
999 views
今天是個繁忙的一天,早上去元朗,中午在馬鞍山,晚餐卻選擇了最繁忙的市中心食飯。聽說整座大廈都是吃肆,中外美食林立,今晚來到18樓。一出升降機就是了,發現餐廳的細心之處,安排了一排高腳梳化櫈,方便客人排隊時不用站著。餐廳已經坐滿食客,室內燈光較為昏暗,令人十分放鬆。全落地玻璃設計與外界形成一體。我們的餐枱上已經備好了水杯並已注滿了水,務求第一時間可以解渴,非常欣賞餐廳注重每一個細節。煙三文魚沙律🥗主角當然是煙三文魚及沙律菜,再配搭提子乾,合桃,佐餌黑醋,即時開胃,增加食慾。朋友無飯不歡,西餐理所當然吃意大利飯啦。用白汁煮成,加上煎香的鵝肝,身份頓時提升,鵝肝人口即溶,甘香味醇,令口感受益良多。小吃拼盤包括炸蝦,炸雞,炸薯條和炸芝士,全部新鮮炸出,放入口時還帶來餘熱,香口惹味。可以選擇沾上沙律醬或蕃茄醬進食,更加凸顯香味。雖然已經好飽,但女人總有第二個胃出來吃甜品,皆因這里的甜品造型特別,份外吸引,乍看根本就是水蜜桃🍑,不單止外表形似,切開後發現裏面的造型都是按照水蜜桃來設計的。甜度剛好,為此晚餐帶來完美的句號。 continue reading
(The above review is the personal opinion of an user which does not represent OpenRice's point of view.)