Video
Read full review
2023-05-02
39 views
今日老闆請食飯，有幸食到人生第一次嘅omakase ，聽講呢間餐廳好難book，長期都full人，全因呢到有個係omakase 界嘅名廚坐陣。😳😳今日就黎開下眼界一黎嘅前菜係茶碗蒸，味道清淡，蒸蛋上有鏗魚高湯，配有鮮蝦、帶子等海鮮，不錯！再黎就係無鹽蜆湯，師傅強調一粒鹽都無落，咸味完全來自海蜆本身，的確非常鮮甜，咸味若隱若現，十分神奇！之後就係刺身嘅環節，一共五道。第一道係櫻鯛，魚如其名，半透明嘅魚肉泛起微微的粉紅色，佐以紫蘇花嘅酸汁，打開食客味蕾👍🏼第二道係來自熊本嘅鰝鰺，魚肉雪白，入口有咬勁，味道較淡。第三道係來自九洲嘅關鯖，師傅用醋醃製而成，入口帶酸味，跟坊間的鯖魚比來更添風味。第四道係來自岩手縣嘅赤貝，下面有片檸檬，師傅建議不沾醬油食用，竟有半點生蠔嘅感覺哈哈😆第五道刺身係水八爪魚，師傅即席準備，八爪魚的觸身近半個成人身長，十分震撼！口感較韌，吸盤食來有趣，有種兒時玩物小吃的過癮，我最為喜歡。刺身和壽司中間有道熟食過渡——真丈海老，即炸蝦丸，口感彈牙不在話下，配碟的青椒有苦有辣，更添層次！終於進入主題，師傅一路為食客講解每道食材的特色，另一邊手起刀落，便將食材化為精美的壽司，實
一黎嘅前菜係茶碗蒸，味道清淡，蒸蛋上有鏗魚高湯，配有鮮蝦、帶子等海鮮，不錯！
再黎就係無鹽蜆湯，師傅強調一粒鹽都無落，咸味完全來自海蜆本身，的確非常鮮甜，咸味若隱若現，十分神奇！
之後就係刺身嘅環節，一共五道。
第一道係櫻鯛，魚如其名，半透明嘅魚肉泛起微微的粉紅色，佐以紫蘇花嘅酸汁，打開食客味蕾👍🏼
第二道係來自熊本嘅鰝鰺，魚肉雪白，入口有咬勁，味道較淡。
第三道係來自九洲嘅關鯖，師傅用醋醃製而成，入口帶酸味，跟坊間的鯖魚比來更添風味。
第四道係來自岩手縣嘅赤貝，下面有片檸檬，師傅建議不沾醬油食用，竟有半點生蠔嘅感覺哈哈😆
第五道刺身係水八爪魚，師傅即席準備，八爪魚的觸身近半個成人身長，十分震撼！口感較韌，吸盤食來有趣，有種兒時玩物小吃的過癮，我最為喜歡。
刺身和壽司中間有道熟食過渡——真丈海老，即炸蝦丸，口感彈牙不在話下，配碟的青椒有苦有辣，更添層次！
終於進入主題，師傅一路為食客講解每道食材的特色，另一邊手起刀落，便將食材化為精美的壽司，實在好功架！
第一道係來自神奈州嘅針魚，第一次吃到這個等級的壽司，才發現和坊間的真的有分別！魚和飯的平衡恰到好處，口中嚼完飯粒，魚肉也剛好呑掉，餘韻卻留在口腔，教人回味無窮。
第二道是來自青森縣的帆立貝，賣相精緻，鮮味滿瀉！
第三道是來自靜江嘅金目鯛，師傅先用開水炙過魚皮，令佢微微卷起，美觀之餘，亦令皮下脂肪暴露出來，吃來自然更為肥美。
第四道是來自北海道的白見貝，口感有點像魷魚。
第五道是來自和歌山的中拖羅，單看外表就叫人垂涎三尺🤤
第六道是我最喜歡的蛇腹——大拖羅，第一次感受到「脂肪酸」的意思，魚肉入口即溶，脂肪溶化於口中，最後的餘韻帶點酸味，刺激味蕾分泌更多唾液，最後一呑而下，又復甘甜
再來，第七道是師傅的至愛，拖羅醬油漬，味道均衡，外形酷似海蝦
最後一道，是海膽手卷，紫菜用鐵盒收好，在製作時才取出，保持蘇脆的口感，海膽更用上滿滿一大板，為美味之旅作完美結局
吃過壽司，還有一碗烏冬，鏗魚高湯暖暖腸胃，實在吃不下，也可選麵豉湯，有幾塊魚肉，有點尋寶的樂趣😋
最後的最後，有熱情果芝士餅作甜點，配上手工咖啡，不枉此行！
Post
