Panda Japanese Homestyle Curry (Closed)

Item: Panda Japanese Homestyle Curry
Rating: 3
Author: Wheel 臣

3.5

111 Reviews

Taste

Decor

Service

Hygiene

Value

500

Tai Hang

$51-100

Japanese

Wheel 臣

Level3

今個星期五同夫人探訪小別左一輪既大坑，之前行過都好想試下「熊貓」，今日終於可以試到好評如潮既咖哩喇~~7點鐘入到去，待應就問我地有無訂檯，當時心想︰「唔係掛...食碟咖哩o者~要訂哂檯咁利害?!」打開menu一睇，不得了~好多款咖哩...不過，覺得第一次食都係最基本既咖哩豬扒飯先食到佢地既功夫~加上佢實在太多選擇，有少少過左火。Anyway, 我地再另外叫左份咖哩多士、日式沙律同埋一客焦糖布甸~~咖哩多士 - 份咖哩係由牛肉+豬肉既組合，確實好香咖哩味而且份蒜蓉包都烘得好脆好香日式沙律 - 食材新鮮，連一向甚少食生蕃茄既夫人都忍唔住要讚一句就可想而知係正野焦糖布甸 - 由於本人怕熱一向所以都偏好好凍既甜品，不過呢個我都要讚一句好好味~焦糖我成日覺得好難整得好味，有時好怕食到D太多苦澀味~但係呢到既布甸味道頗討好~咪先咪先~點解咁快講甜品既，咖哩飯呢?!我放到最後既原因係因為失望，點解當人人都話呢到既咖哩飯好味既時候我感受唔到架?!先講豬扒先~對唔住...當晚我要「齒」...係「齒」開舊豬扒黎食...超 - 級 - 韌 !!!!!!!!!點解舊豬扒可以多根到咁既?! 唔通呢到出名既係

Read full review

今個星期五同夫人探訪小別左一輪既大坑，之前行過都好想試下「熊貓」，今日終於可以試到好評如潮既咖哩喇~~

7點鐘入到去，待應就問我地有無訂檯，當時心想︰「唔係掛...食碟咖哩o者~要訂哂檯咁利害?!」打開menu一睇，不得了~好多款咖哩...不過，覺得第一次食都係最基本既咖哩豬扒飯先食到佢地既功夫~加上佢實在太多選擇，有少少過左火。

Anyway, 我地再另外叫左份咖哩多士、日式沙律同埋一客焦糖布甸~~

咖哩多士 - 份咖哩係由牛肉+豬肉既組合，確實好香咖哩味而且份蒜蓉包都烘得好脆好香

日式沙律 - 食材新鮮，連一向甚少食生蕃茄既夫人都忍唔住要讚一句就可想而知係正野

焦糖布甸 - 由於本人怕熱一向所以都偏好好凍既甜品，不過呢個我都要讚一句好好味~焦糖我成日覺得好難整得好味，有時好怕食到D太多苦澀味~但係呢到既布甸味道頗討好~

咪先咪先~點解咁快講甜品既，咖哩飯呢?!

我放到最後既原因係因為失望，點解當人人都話呢到既咖哩飯好味既時候我感受唔到架?!
先講豬扒先~對唔住...當晚我要「齒」...係「齒」開舊豬扒黎食...超 - 級 - 韌 !!!!!!!!!

點解舊豬扒可以多根到咁既?! 唔通呢到出名既係咖哩而唔係哩豬? 會唔會哩腩又好D呢?!

但係個咖哩本身又唔係真係咁吸引...嗯，點講好呢~我知唔應該挑剔~不過當我係麻布茶房又或係POKKA CAFE都食到差唔多味道既咖哩時，我點解要專程去大坑呢?!!!

今晚，有3個好對1個差~都唔會令我覺得呢間熊貓唔好既~可能真係我唔好彩，佢地D豬扒唔靚...不過，大坑仲有好多餐廳選擇，相信呢間野唔會係我專登再會返去食既一間喇~~