Godiva Chocolatier (崇光百貨) (Closed)

為左呢個期間限定買一送一offer，要排長龍排隊等買，真誇張。星期日去到5：45截龍，我地剛好係最後一組。士多啤梨雙重巧克力軟雪糕 $55有士多啤梨乾圍邊既脆口脆筒上面係朱古力同士多啤梨軟雪糕兩溝，服務員先係雪糕機擠出雪糕，然後再加上朱古力粉同士多啤梨粉，最後放上一塊印有店名既朱古力牌。雪糕係滑溜，不過朱古力味蓋過士多啤梨味，唔算太甜，買一送一都可以試一次，原價就性價比太低，老老實實同seven軟雪糕質素差唔多遠，不過價錢就差天共地。價錢包送白朱古力兩塊。