Happy Friday 去諾士佛臺飲番杯
係成個星期最令人滾動嘅節目 😂
今次發掘到呢間 Gin Bar 超有水準！
1
由店名到環境都好有玩味，勁 chill
連廁所都掛咗啲 playful 嘅畫
裝修落咗好多心機 👍🏻
時下興嘅酒 game 都有
有 slap cup 同裝咗 BP connect 嘅 beer pong 玩
唔係度度都有㗎，係可以玩計分對戰嘅 system 嚟
感覺係咪好 high tech 呢？哈哈
而家有個勁抵嘅串燒套餐
$68 有四串串燒加杯嘢飲！
杯嘢飲仲可以揀紅白酒、cocktails、mocktails 𠻹
平時嗌杯酒都唔止啦 🙈
我哋點咗兩 set 再加其他嘢～
講真喺酒吧食，都唔會話 expect 啲嘢好好食
但係呢道啲串燒味道都拍得住普通嘅日本餐廳
經理介紹話啲串燒係由日本師傅主理！
成件事好有 heart 😂
一啲特別啲嘅部位都有，試咗雞心、雞肝、雞皮等等～
呢道有好多種來自世界各地唔同嘅 gin
本來都係諗住隨便點 😆
個經理就好 friendly 咁推介咗呢兩杯 cocktails 俾我哋
呢杯係加咗櫻花同玫瑰嘅 Gin Cocktails
原本個名係好浪漫嘅，不過我唔記得咗 😂
味道甜甜哋好有花香，非常易入口！
第二杯又係好 fancy
係加咗 mousse 落去
所以甜中帶點開胃嘅酸
兩杯都好啱飲！👍🏻
之後點咗啲佐酒小食
燒雞泡魚乾燒得香口，調味適中
真係好啱送酒
日式辣汁牛舌望落好似好辣
其實只係辣辣哋，可以放心食 😂
揀咗兩隻都係英國嘅 Gin
Menu 好詳細咁介紹咗各種 Gin 嘅味道同特色
我哋鍾意呢兩款都係比較清新同微甜
因為朋友一收工就過嚟
最後仲加多個吞拿魚蓉丼俾佢
呢道真係包羅萬有㗎 🤣
