神燈海鮮酒家 (18廣場)

Open Now

Now Closed

疫情完結開始約班老友出黎食飯，人多食中菜最適合，可以邊食邊傾，坐幾耐都得。好彩我地有訂位， 今晚未到7點半已經全場爆滿。掌翼 $88份量頗多，食落軟硬適中，非常入味黑松露玻璃燒鵝 $238推介！！見到枱枱都點這個燒鵝，我地都叫左1/4隻試下，鵝肉吸滿黑松露精華，陣陣黑松露味撲鼻，食落鵝肉肉汁濃厚而不油膩，皮脆而肉質嫩滑。糯米炒膏蟹 $568熱騰騰既糯米炒膏蟹煲，一上枱已經聞到香噴噴既蟹味。濕潤飽滿既糯米飯吸盡蟹黃蟹膏及蟹肉的鮮香，啖啖鮮甜！招牌焗魚腸 $118經典懷舊菜，完全沒腥臊味道，食起嚟甘香滋味，白飯都食多幾碗，叫人難忘。蜜汁脆燒鱔 $268火候控制得不錯，表面略帶金黃，鱔肉飽滿，食落肉質結實但有彈性，鱔香味出。 最後食埋個牛乳奶凍同桂花糕，超滿足。