Video
Read full review
2023-07-01
81 views
滿屋定食 (粉嶺)粉嶺聯和墟和泰街33號地舖今日趁公眾假期到粉嶺行山，運動之前先食個靚晏晝先，來到聯和墟，發現有好多新開小店，見到有間裝飾新穎，富日式風格嘅舖頭就入咗去，原來入邊食嘅係地道泰菜，用咗日式定食嘅模式，真係好fusion和風蟹籽沙律$28 爆汁蟹籽加埋清新嘅青瓜，好醒神泰式海鮮沙律$55 泰式酸辣汁撈青木瓜超開胃，估唔到入邊嘅小海鮮都好豐富，有小花甲、大青口同埋爽甜嘅鮮蝦，全部冰冰凍凍，夾埋酸甜醬汁好開胃燒雞肉串（兩串）$26 燒牛肉串（兩串) $28 燒豬頸肉拼盤$65諗住陣間會行好多路，所以都叫翻d啖啖肉嚟食吓，雖然要等得比較耐，但係即點即燒嘅效果非常好，所有肉都肥瘦相間，配上甜甜的醬汁去醃製，加埋泰式醬汁一齊食，好有風味，相信會適合每一個鍾意泰式醬汁嘅你蒲燒日式鰻魚飯$105 呢個日式鰻魚飯定食有好多選擇，一次過滿足晒你湯、前菜、主菜及甜品嘅慾望，啱啱燒起嘅厚身鰻魚撈埋啲蛋漿一齊撈飯食，好滿足，飯後甜點榴槤炸彈非常香濃泰國凍青檸梳打+$8跟餐加嘅嘢飲都落足功夫，夏天飲杯酸甜嘅梳打，好解暑海南雞冬陰功河$68 冬陰功同海南雞分開上，個湯底酸甜開胃，有少少辣，都好精神，泰
粉嶺聯和墟和泰街33號地舖
今日趁公眾假期到粉嶺行山，運動之前先食個靚晏晝先，來到聯和墟，發現有好多新開小店，見到有間裝飾新穎，富日式風格嘅舖頭就入咗去，原來入邊食嘅係地道泰菜，用咗日式定食嘅模式，真係好fusion
和風蟹籽沙律$28
爆汁蟹籽加埋清新嘅青瓜，好醒神
泰式海鮮沙律$55
泰式酸辣汁撈青木瓜超開胃，估唔到入邊嘅小海鮮都好豐富，有小花甲、大青口同埋爽甜嘅鮮蝦，全部冰冰凍凍，夾埋酸甜醬汁好開胃
燒雞肉串（兩串）$26
燒牛肉串（兩串) $28
燒豬頸肉拼盤$65
諗住陣間會行好多路，所以都叫翻d啖啖肉嚟食吓，雖然要等得比較耐，但係即點即燒嘅效果非常好，所有肉都肥瘦相間，配上甜甜的醬汁去醃製，加埋泰式醬汁一齊食，好有風味，相信會適合每一個鍾意泰式醬汁嘅你
蒲燒日式鰻魚飯$105
呢個日式鰻魚飯定食有好多選擇，一次過滿足晒你湯、前菜、主菜及甜品嘅慾望，啱啱燒起嘅厚身鰻魚撈埋啲蛋漿一齊撈飯食，好滿足，飯後甜點榴槤炸彈非常香濃
泰國凍青檸梳打+$8
跟餐加嘅嘢飲都落足功夫，夏天飲杯酸甜嘅梳打，好解暑
海南雞冬陰功河$68
冬陰功同海南雞分開上，個湯底酸甜開胃，有少少辣，都好精神，泰式海南雞好滑溜
地道斑斕椰特飲少冰+$12
呢隻特飲上枱時已經聞到好香嘅椰汁味，撈埋啲斑斕醬非常有泰國特色，椰汁係最佳解辣嘅神器，飲晒成杯都未夠喉
總體來講，環境舒適食物都多元化，新開小店都值得支持！
Post
