65
3
1
Telephone
28193088
Opening Hours
Today
06:30 - 22:00
Mon - Sun
06:30 - 22:00
Payment Methods
Cash
Above information is for reference only. Please check details with the restaurant.
Review (71)
Level4 2024-06-06
262 views
無意中入左這間餐廳,因為門面不算起眼,再者上水區內泰國菜選擇少,本來沒太大期望。吃畢為之一亮,難怪離座的繁忙時間只有這家排長龍。星期六日的跟餐飲品冷熱同價,讚~ 斑蘭椰奶可以打卡亦好飲。椰汁為主,杯邊塗抹斑蘭醬,呢個安排方便自行調較甜度,鐘意濃味的人又可以直接挖來食。只需加$3的龍眼冰是高水準的出品,龍眼肉清甜。冰涼的糖水香甜之餘,也十分配合龍眼肉的清香。下單時點豬頸肉拼盤,以為只拼沙律而已,來的居然是三串燒。豬頸肉接近全份份量,爽口之餘,邊緣位的焦香模擬到碳爐效果,點埋魚露酸辣汁就更清爽。串燒雞牛豬各有一串,最喜歡雞肉大塊飽滿。泰式海鮮沙律帶淺酸而辣,青木瓜絲醃得入味,十分迎合我個人的口味。小小一份竟有3隻大蝦爽口且啖啖肉,加上2隻凍青口及一堆蜆肉,作為開胃前菜實在非常合適。主食我地要左海鮮喇沙配金邊粉,及安格斯澳洲牛船河。喇沙湯湯色看來很鮮艷,味道就偏星加坡式椰香味重但不重香料味。它的海鮮配料份量十足,而且帶有海鮮的鮮甜味,絕對是突出的關鍵。4隻大的連殼青口,加上8-10隻的新鮮蜆肉,另有3數片的花膠,性價比實在滿分。花膠沒有異味,煲得夠綿不錯。湯粉套餐配埋3款小食自由選擇,二叫左6款不同小食,未食已經好開心。炸廣島蠔是推薦的好物,脆漿薄而蠔肉飽滿多汁;墨魚仔是我的至愛小食,這份墨魚仔做得爽口,帶甜的醬汁也能襯托出其海鮮的甜味;雞軟骨份量頗大,如果有沙律醬伴碟更好;泰式奶茶凍又係大大個,欣賞佢不太甜,喜歡的話更可以加入奶茶做茶凍;冷茄子似日式木魚湯小菜,健康好食;脆皮炸鮮奶則比較普通,用麵包卷鮮奶炸成,不太酥脆;用了澳洲牛肩胛牛肉做的船河,湯頭特甜,又帶有油脂香。片片牛肉也是半生不熟,保留嫰滑感入口柔滑。平時唔食炸豬皮的我,又接受到船河濃牛肉湯配豬皮的口感,有驚喜。 continue reading
(The above review is the personal opinion of a user which does not represent OpenRice's point of view.)
Level4 2024-04-19
476 views
是日在東鐵綫工作,於是收工後約咗住喺粉嶺的細妹食飯,兩姊妹好耐都冇撐枱腳啦,今次我就吓細妹等我入去粉嶺搵佢啦🫶🏻我地揀左一間齋睇個名「定食」,以為係食日本菜,點知去到原來係一間好似茶餐廳,但係有泰國菜又有馬來西亞菜又有日本菜,甚至乎有埋越南菜的特色鋪😂非常意想不到😄😄認真唔講笑,呢度啲選擇款式多到眼花撩亂了😵‍💫,對於我哋兩個患有選擇困難症😂都揀左起碼15分鐘先成功落單‼️兩姊妹共叫左兩份定食、一份拼盤、一份生菜包及兩杯飲品,原本只覺得係普通茶餐廳水平,但係最終發現係一間超乎預期、充滿驚喜的泰國餐廳💖💖💗💗🦐檳城花膠海鮮湯金邊粉定食🇲🇾〰️蝦湯陣陣鮮香、蝦味超濃、湯頭卻好清甜,好好飲啊!!!花膠爽口、海鮮新鮮好食,若配蝦一定會更完美😍🔺🔺定食配3️⃣款小食〰️魚露灼菜:灼菜魚露味重,重口味咗;〰️和風蟹籽沙律:正常發揮且青瓜夠凍多醬〰️單骨雞翼:香脆可口追加小食:班蘭奶凍是好味的,不過比綠色特飲搶風頭🔸飲品轉特飲+$10〰️凍美祿朱古力脆脆:濃啲會更好飲🐮汁燒牛舌飯定食(不辣)🇯🇵〰️有成五塊厚切牛舌😍,而且好腍好好食😚暗裏藏蛋,有驚喜❣️伴菜係唔辣既木瓜沙律,大愛吖!🔺🔺定食配3️⃣款小食〰️醬油冷茄子🍆 :凍冰冰入晒味,正👍🏻〰️泰國炸蝦餅 :圓碌碌、細細件,炸得唔錯😌〰️冬陰功湯:細妹話食泰菜,當然要試埋冬陰公,酸酸辣辣(偏辣)🔥👅追加小食:泰茶奶凍,茶味重咗啲啲🔸飲品轉特飲+$10〰️地道班蘭椰特飲:OMG,超驚喜!味道好似椰汁糕味,越飲越好味💗💗 (五星推薦💛)🇹🇭地道唔係炒生菜包:平時啲生菜包肉碎係炒既,但呢度係健康版,味道足夠、好味,冰鎮生菜保持凍冰冰💚絕對可作減脂料理🧡食再多都唔怕肥😆🐽燒豬頸肉拼盤:豬頸肉超好食😋三款串燒都唔錯 ,份量十足! continue reading
(The above review is the personal opinion of a user which does not represent OpenRice's point of view.)
Level4 2024-04-06
338 views
今日朋友帶我嚟到粉嶺呢間泰國餐廳 滿屋定食 估唔到有驚喜🤩 入去坐低睇睇餐牌 除咗泰國菜之外 仲有好多唔同國家嘅菜式 超多選擇 諗咗都一段時間終於揀好食咩🤣諗好就用QR code落單 好方便~ 先嚟兩杯跟餐飲品 草莓番石榴乳酸梳打首先見到飲品類有番石榴已經好想試🤩 杯飲品一嚟到顏色好靚 本身仲以為會好酸 士多啤梨同埋番石榴又好夾 加埋乳酸梳打 飲落酸酸甜甜好開胃😋 凍青檸梳打食泰國嘢必飲嘅青檸梳打 飲落好清新 好適合依家已經開始熱嘅天氣😇 汁燒澳洲Prime Grade安格斯牛小排飯 $106呢個真係大推👍🏻 淨係一上枱嘅時候見到啲牛已經心心眼😍 油脂分布平均 食落有牛味 燒得啱啱好 完全唔會柴 再加埋佢獨有嘅燒汁 真係好夾好好味😋 重點係有好多塊 同埋食食吓發現中間原來收埋咗一隻溫泉蛋🫢 撈埋一齊食真係冇得彈👍🏻 套餐仲可以選配小食 咁就揀左冬蔭功湯 酸酸辣辣單骨雞翼 係香茅味 炸得酥脆甘香 好滋味日式炸帶子 炸得香脆唔油膩 冬蔭功海鮮蜆金邊粉 $100金邊粉配冬陰功湯底已經覺得好出色 一上枱勁香 即刻飲咗兩啖湯 好好味😋 海鮮方面有青口、鮮蝦、仲有好多隻蜆 全部都啖啖肉 特別一提 鮮蝦爽口彈牙 好出色👍🏻 呢個餐加配嘅小食 就揀咗蟹籽沙律 青瓜蟹棒蟹籽沙律 好清新泰國炸蝦餅 滿滿蝦肉 炸得彈牙唔油膩牛乳炸脆奶 甜甜嘅牛奶好食😋 整體嚟講 呢間 滿屋定食 環境舒適 店員服務態度好 食物質素不錯 估唔到粉嶺都有咁高質嘅牛 一定會再嚟食😇 continue reading
(The above review is the personal opinion of a user which does not represent OpenRice's point of view.)
今日過嚟粉嶺有啲嘢整咁啱有個朋友住喺呢頭整完就叫佢落嚟陪我食晚飯我哋食咩都冇所謂咁就求其入咗呢間餐廳本身見到呢間嘢叫滿屋定食我哋都以為係食日本嘢坐底睇餐牌先發現原來係泰式嚟XD餐牌上面無論菜式定係配搭多到揀咗好耐先決定到..定食好多 揀完仲要揀多兩個小食湯都有分冬蔭功/味噌湯有種感覺食緊泰式幾餸飯咁好在店員好好 唔會比壓力你而且見到隔離枱嘅長者唔識電子落單店員都好樂意幫手手寫落單最後揀咗以下幾樣嘢食- - - - - - - - - - - - - - - - - - - - - - - -1. 汁燒黑豚肩飯(白飯+餐湯+餐飲+小食)餐牌寫住係選用咗西班牙杜洛克豚肉呢種豬肉係要天然飼養先得本身食開橡樹果實之類 冇咩激素出咗名係油花豐富、肉質鮮嫰就算煮完都保持到柔嫩口感食落都真係唔會覺得嚡最過份係裡面收埋咗隻溫泉蛋好似食緊鍋物點緊蛋汁咁樣蛋汁令到豚肉更有絲滑質感2. 黃咖哩牛坑腩飯(白飯+餐湯+白桃乳酸梳打+小食)坑腩即係牛肋骨間嘅肉當切走咗肋骨嗰陣就會見到一條條嘅坑紋咁就叫做牛坑腩啦呢個部位嘅肉肥瘦相間唔會食到我最唔鍾意嘅脂肪肉質腍中帶爽 牛味好濃配搭佢唔算好辣嘅黃咖哩好香薑黃同埋椰奶陣味成個咖哩質地比較奶滑送白飯好正啊~3. 跟餐白飯+餐湯+餐飲+小食跟餐一定係配白飯仲有個湯可揀冬蔭功或味噌湯普通餐飲唔使加錢 其他都係$2-$12小食有成20幾種比你揀雖然小食份量唔多但係勝在已經夠多嘢食我哋揀咗炸雞軟骨、北海道牛乳炸脆奶仲有單骨雞翼、泰國炸蝦餅炸物都好難整得唔好食全部都炸得好香口酥脆嘢飲方面叫咗白桃乳酸梳打同埋熱柚子蜜 兩杯味道偏淡好適合啲成日會叫走甜嘅人4. 燒豬頸肉拼盤除咗燒豬頸肉之外仲有牛、豬、雞肉各一我幾鍾意外層烤到焦焦哋咁咁樣食落先會香口而且會有陣煙燻嘅味道啲肉亦都唔會烤到冇晒水份上面仲加咗啲辣粉呢種辣粉少少都已經好刺激豬頸肉可點埋醋汁酸酸辣辣 感覺開胃 continue reading
(The above review is the personal opinion of a user which does not represent OpenRice's point of view.)
Level3 2024-07-23
0 views
今次嚟到粉嶺呢一間定食,初時以為係食日本嘢,原來主打日泰料理。咁特別一於試一試佢。一入門口環境都幾別緻,呢日係星期日,店員安排我哋坐卡位,可以慢慢食慢慢傾。炒嘅生菜包先嚟頭盤,呢個生菜包入面加入咗一啲硬粒粒,令到口感提升,揀咗辣味,配埋冰凍嘅生菜,口感一流。小食拼盤(泰式魚餅、炸蝦餅、炸雞軟骨、蟹籽沙律)小食拼盤一應俱全,又係一個日本x泰國嘅組合,個人心儀炸雞軟骨,份量極多,蝦餅同魚餅有水準。喇沙安格斯牛小排金邊粉牛肉上到嚟嘅時候大約係七成熟,咬落唔會太韌,沙嗲味濃郁。燒豬頸肉拼盤串燒拼盤,呢度唔係沙嗲醬,係一個類似日式醬油嘅醬汁,幾新穎喎,甜甜地同串燒都幾夾。日桃乳酸梳打味道有啲似忌廉溝鮮奶,消暑。凍泰式奶茶泰奶精神,唔會太甜,拍得住連鎖茶飲店嗰啲。班蘭咖啡斑斕味好濃郁,配埋咖啡,免卻左泰式咖啡嗰種苦澀味。 continue reading
(The above review is the personal opinion of a user which does not represent OpenRice's point of view.)