蟹慶 (Closed)

今日途經SOGO，見到依間日本料理好似幾吸引，所以就去左試吓。款式都好多，我鍾意食牛肉，所以就叫左牛肉火鍋套餐$98。首先上枱係麵豉湯同中華沙律。麵豉湯裏面有蜆肉，好驚喜😍我追加一個蟹肉蒸蛋$30，裏面有三文魚子、蟹肉，仲有帶子，真係超級鮮甜同好味😋終於到主角：牛肉火鍋，牛肉唔肥，配合雞蛋同粉絲，每一啖都超級滿足。雖然牛肉唔係十分高級，但係絕對對得住呢個套餐嘅價錢。最後想特別讚揚負責送餐嘅侍應，服務簡直ichiban,親切嘅笑容同提醒，令我作為顧客都暖在心頭。