君怡酒店咖啡屋

Open Now

Now Closed

同事last day，約埋班同事，預先買定團購，去君怡酒店咖啡屋食自助餐同佢Farewell。我習慣食自助餐先要來個熱湯暖暖胃，然後專更冷盆和海鮮同冷盤，熱湯有兩款選擇，南瓜忌簾湯和蓮藕鱆魚湯，好正常嘅例湯feel。刺身同壽司質素好一般，不試也罷。沙律有車厘茄、羅馬生菜、白露筍、紅椰菜、橄欖和翡翠豆苗；最正係白露筍；冷盤凍肉，款色較少，有風乾豬肉和風乾牛肉，雖然唔夠鹹香，加埋哈蜜瓜同紅酒，不失為唔錯嘅配撘。海鮮方面有麵包蟹、凍大蝦，青口、長腳蟹和龍蝦仔，凍大蝦好大隻，好新鮮爽口彈牙!!最可惜就係食唔到麵包蟹嘅蟹身部份，次次出去都剩番啲麵包蟹腳冇人要，似乎冇refill過；飲品有橙汁同柑桔檸檬汁，紅、白酒，咖啡茶全部都係任飲。我一向對橘類水果冇好感，恕我無福消受，只好飲紅、白酒。熱盤有波士頓龍蝦、龍利柳、炒雜菜、咖哩羊肉，配白飯和印度薄脆等等．．．．　還有，每位送半隻芝士焗龍蝦；我對熱盤興趣唔大，值得一讚係咖哩羊肉，咖哩唔係好辣，但勝在夠香辛，但印度薄脆可能擺得耐咗，已經唔脆。還有，每位送半隻芝士焗龍蝦。鐡板燒有炒麵、鵝肝．．．．其他嘅我冇留意到。食完鵝肝，攞咗杯熱茶消消滯，點知．．．．