大喜屋 (Closed)

今日係好友兼同事既 Farewell日，我地兩丁人想咩都食下同想搵個地方傾下想當年，於是就book左呢間放題始祖食放題。今日係星期二，但晚上6點時段竟然全場爆滿，好采我地一早book定枱。我地兩個都好耐無食放題，估唔到宜家既放題真係有好多選擇，唔單止一般既壽司、魚生刺身、天婦羅，仲有人參雞鍋、牛肉鍋、鮮蟹粥、豬手、冬陰功煮海鮮、燒羊架😍.....放題必叫既刺身果然無令人失望，新鮮度十足，又夠凍同肥美👍，我地忍唔住encore左兩次。