新泰東南亞餐廳

Open Now

Now Closed

之前喺灣仔食過呢間新泰，行過尖沙咀唔知食乜好決定再encore。門口嘅裝飾已經有一股泰國風情，裏面環境氣氛唔錯。香芒軟殼蟹紙米卷係我嘅致愛，每逢去泰國餐廳一定會叫。主角軟殼蟹份量足稱，食落會好實在食到軟殼蟹，配埋芒果嘅香甜同甜酸醬，一級棒！睇餐牌嘅時候俾佢個泰式燒春雞釀香茅黃飯吸引咗，所以就叫咗佢試一試。一上菜見到成隻春雞好驚喜，脹卜卜燒到好靚。切開咗之後更加驚喜，見到啲香茅黃飯辣辣出煙香噴噴。泰式蝦炒金邊粉，面頭個蛋網令到左成碟金邊粉嘅賣相增加左美感，佢包住左啲金邊粉就唔會散開一pat，睇得又食得。金邊粉配料主要有蝦仁同扎肉，食落味道不錯。菠蘿沙冰味道好濃，就算啲冰融左都唔會變淡，飲落透心涼。