Sun Thai Restaurant

今日黎到尖沙咀食一間泰國餐廳，呢到既裝修都幾有特式，而且座位闊落舒服，一於試下佢哋嘅特色菜！我地叫咗鴨肉生菜包、泰式串燒（雞、牛、豬）、日本南瓜焗海鮮飯同埋泰式乾炒牛河，飲嘅就係泰式奶茶。首先，鴨肉生菜包上到嚟，呢個生菜包真係比較特別，平時係出面都見唔到，用嫩滑嘅鴨肉做生菜包，味道上比較香，而且又唔會太油，口味非常豐富，包埋好爽脆既生菜一齊食，食落去好滿足之後我地當然一定會叫泰式串燒試下，有6串，分別係雞、牛同埋豬，每串肉都串得好實，燒得啱啱好，外焦內嫩，味道好香！唔同平時出面用炸去整既串燒，食得出呢到係用烤既，特別係雞肉，搭配埋泰式醬汁，鮮甜可口；牛肉嘅味道濃郁，而豬肉就帶有啲微甜，好好食主食就分別叫咗日本南瓜焗海鮮飯同埋泰式乾炒牛河，焗飯就係呢到既招牌菜，黎到真係好靚，成個南瓜咁上，食落有好多海鮮，加上焗到金黃嘅南瓜，而且熱辣辣，飯亦到好有南瓜味，南瓜的香甜同海鮮的鮮味搭配得好好，好值得推介泰式乾炒牛河就係另一個驚喜。河粉炒得好香，牛肉滑嫩，色香味俱全調味剛剛好，唔會過鹹，整體味道平衡得好好。係泰式餐廳點可以唔飲泰式奶茶，醇厚又唔會好甜，同泰國飲既都有9成相似，非常舒服整體來講，呢到既體驗都好愉快，食物新鮮又好味，環境又舒服，真心推薦大家黎試試！絕對唔會令你失望！…查看更多

今日去咗這一間《新泰》東南亞餐廳位於尖沙咀、整間由外到內都好有泰式風格、係以淺啡色為主調木系裝置整間店鋪、以黄光色澤坐著寬敞舒適感覺都唔錯！望見餐牌都好多選擇、同時都睇到二人套餐 $228，都叫咗嚟試吓好似幾抵食、三款食物同一款主食揀，仲包兩杯嘢飲！越式蝦米紙卷呢一款蝦米紙卷五顏六色都幾好、用咗通透軟綿米紙包裹蝦及其它配料、入口軟綿帶點多重爽口、沾吓酸醋汁更加好食又醒胃！泰式青咖哩雞印度烤餅呢一款青咖哩雞望見賣相都唔錯、真的好有地道風味、佢嘅青咖哩汁香而美味、配埋雞肉及其它配料、雞肉又有咬口沾滿汁液都唔錯、尤其是佢嘅烤餅啖啖口感、點吓青咖哩汁烤餅別一般的味道！馬拉盞炒通菜呢一碟馬拉盞炒通菜好有地道風味、翠綠通菜色澤加埋佢嘅味道、感覺好似蝦醬一樣咁惹味、佢嘅味道好香濃美味一樣咁爽又好食！港式凍奶茶 +$3 凍檸檬茶 +$3泰式甜品小拼盤$98呢一款一碟有4種味道、一共有8件細細件、有椰香大菜糕、椰汁西米糕、斑斕糕及其它糕、每一款都唔錯尤其是斑斕口感煙糯、甜度適中帶點斑斕味道！ …查看更多

尖沙咀新泰實測｜$498等位煉獄換來天堂味！軟殼蟹春捲香脆等位等到佛系，上菜慢過泰航，但軟殼蟹春捲一咬昇仙！ 🕰️等位修行場- 19:00取號｜20:15入座- 店員狂奔傳菜，眼神死透：「冬陰功要等30分鐘，得唔得？」🦀 軟殼蟹米紙卷（$98） ✅ 米紙薄透如蟬翼，裹住原隻炸軟殼蟹，蟹膏噴射醬料陣 ✅ 神醬助攻：青芒絲＋斑蘭蛋黃醬，酸辣切割油膩 ⚠️ 暗黑美學：醬汁多到滴濕檯布，食相狼狽度＋200% 🥘 冬陰功（$128） - 湯底用**雞湯＋蝦頭油熬成奶橙色，酸辣層次似交響樂 - 海鮮量：大蝦×4＋草菇炸彈，香茅貫穿天靈蓋 🌶️ 後勁警報：辣度直逼泰東北版（店員溫馨提示：「小辣都係咁㗎」） 🦑 原條烤魷魚（$148）｜炭香鎖魂- 魷魚筒釀香茅檸檬葉，烤到微焦「脆皮蕾絲邊」 - 蘸醬叛變：青辣椒醬混魚露，鮮辣度吊打超市貨 等45分鐘，餓到想生啃炭爐 🥭 芒果糯米飯（$88） ｜椰漿｜熱辣淋落冰糯米，冷熱交戰似火山雪 ｜芒果｜菲律賓呂宋芒甜到蛀牙，厚度切1cm超大方 ｜脆米｜撒黃金炸米添口感，抵消前面辣味創傷 …查看更多

呢間泰國菜成日行過，今晚終於去試吓啦，一入門口佢個裝修就好似去左泰國咁，有架Tuk Tuk。落咗條樓梯先知原來餐廳都幾大，仲有啲房，如果一班人食飯私隱度都幾好。睇睇Menu有好多唔同種類的泰菜選擇。冬蔭功（小）唔好睇少呢個小的份量，都好足料，有兩隻大蝦，好多菇，佢個酸辣度剛好，好平衡，唔會互相搶味。燒豬頸肉燒得好香，肥瘦適中，點埋個有少少辣的醬汁真係好開胃。燒牛柳沙律呢度的牛柳俾得一啲都唔吝嗇，好多塊，少少半生熟兼好juicy，配料又西芹，洋蔥，蒽，青瓜，個汁真係有啲辣，但辣得黎好惹味，如果唔係好食得辣的，建議叫少辣。泰式蝦炒金邊粉用蛋包住金邊粉，整得好靚，入面有三隻蝦，金邊粉炒得好有鑊氣，而且份量都唔少。番石榴沙冰飲得到番石榴果肉粒，好真材實料，好refresh。椰青沙冰用一整個椰青裝住沙冰，都係飲到啲椰子肉，又唔係死甜，飲得到佢個真材實料，夏天飲真係好透心涼。呢度的野食飲品性價比真係好高呀，以尖沙咀地段黎講一啲都唔貴。…查看更多

好耐冇出街食飯喇，今晚同朋友去咗一間出名既泰國菜！我同朋友都分別去過其他分店，對食物質素好有信心。估唔到尖沙咀分店門口又大又靚，入面氣氛超chill，充滿泰國風情！一坐低，我地就即刻落單啦～先講泰國菜必食主角：串燒6串！（雞+牛+豬各兩串）見到個顏色就覺得好正宗，6串份量唔少，肉量好多！兩個人可以一人兩串，夠晒飽。主菜就叫咗個南瓜焗咖哩海鮮。呢個超級驚喜！南瓜切半，鏟空咗做容器，但又保留咗一層南瓜肉。入面係濃濃嘅咖哩，仲有好大隻青口同埋蝦各兩隻，唔駛同朋友爭～最正係個南瓜，可以用羹將南瓜肉刮出嚟，撈埋個咖哩食！之後仲忍唔住快快手加單，叫多個印度薄餅，加埋咖哩海鮮汁嚟食，簡直邪惡到飛起！泰國芒果沙律，芒果切晒幼條，熟度剛剛好，又爽又甜又微辣，爽口口感完美平衡咗呢一餐～我地兩個一人叫咗一個椰青沙冰，真係整粒椰青開頂，入面滿滿既沙冰，完全係清爽冰涼，有泰國渡假feel！兩個女人食到超級飽，吹水吹到last order，環境舒適，裝修又有氣氛，果然係大家成日推介既泰菜！…查看更多