殿 大喜屋

Open Now

Now Closed

呢間係我食過咁多間放題最值得推介嘅一間 都係我食過幾次以上嘅一間 首先我要魚生冇咩腥味同埋夠肥美 呢度魚生幾次都keep到水準 熟食方面最緊要多選擇 同有啲其他地方冇嘅野 我最愛呢度嘅椰子燉雞湯同埋椰汁燕窩燉木瓜 想講一講壽司方面 佢有好多fusion自家壽司 例如鵝肝壽司 我叫左少少就覺得麻麻地 有啲奇怪 都係中意傳統個啲 不過放題就係可以叫一叫試一下唔鍾意就唔使encore另外大家有睇我食評都知我係海鮮控一名 所以點少得叫咖喱蟹同蟹粥 不過兩樣個蟹都唔新鮮 剩係食個有蟹味嘅粥就可以 而呢度燒物同炸物都唔錯 雖然有啲鹹 不過落啲檸檬汁中和翻都ok 鍾意食榴槤記得要點炸榴槤而海膽手卷要自己出去拎 出邊都有好多甜品同飲品可以任食任飲 真係好多選擇