Video
Read full review
2018-01-03
5381 views
2018年快樂，歡送2017年緊係要一家人食餐飯，同屋企人食飯通常都係食中菜，今次試下呢間米芝連一星既頭水紫菜宴。呢個源自於新加玻既品牌，但做既係福建菜，由2005年開始已經不斷獲獎，當然最威都係拎左米芝蓮做星級餐廳。頭水即係第一次割既紫菜，只有一星期既採摘時間，所以係物罕而又營養豐富，可以話係紫菜入面既黃金。餐廳望到都好寬闊，今次安排左坐卡位，唔會同隔離位好迫，都坐得幾舒服。餐具用上左好美觀既設計，睇落好舒服又同雲石台面既設計好夾。有兩隻茶可以揀，分別係菊花同大紅袍，今次試左菊花茶，用左茶道理呢個台灣品牌，菊花飲落好清香。前菜係《拌頭水紫菜》($52)，用上左涼伴既方法，用醋拌匀紫菜，新鮮得黎酸酸地食完好開胃。前菜再加一個《酥炸紫菜》($48)，先食左濕既涼拌再食呢份係乾既，全部炸到勁香口勁脆，去到尾再食都仲保持到脆身。先有小菜《紫菜海蠣酥》($78)，一黎已經聞到好香既蠔味，包上左紫菜一齊炸，炸得比較乾身不過蠔味都夠新鮮同幾大隻。主菜有《紫菜燉豬蹄》($98)，果舊豬蹄真係唔係講笑，超大舊超多骨膠原，個湯真係勁多紫菜，飲一啖湯好清甜再咬一啖豬蹄夠滿足。撈蛋煎永遠都係食中菜至愛，《原
2018年快樂，歡送2017年緊係要一家人食餐飯，同屋企人食飯通常都係食中菜，今次試下呢間米芝連一星既頭水紫菜宴。
呢個源自於新加玻既品牌，但做既係福建菜，由2005年開始已經不斷獲獎，當然最威都係拎左米芝蓮做星級餐廳。
頭水即係第一次割既紫菜，只有一星期既採摘時間，所以係物罕而又營養豐富，可以話係紫菜入面既黃金。
餐廳望到都好寬闊，今次安排左坐卡位，唔會同隔離位好迫，都坐得幾舒服。餐具用上左好美觀既設計，睇落好舒服又同雲石台面既設計好夾。
有兩隻茶可以揀，分別係菊花同大紅袍，今次試左菊花茶，用左茶道理呢個台灣品牌，菊花飲落好清香。
前菜係《拌頭水紫菜》($52)，用上左涼伴既方法，用醋拌匀紫菜，新鮮得黎酸酸地食完好開胃。
前菜再加一個《酥炸紫菜》($48)，先食左濕既涼拌再食呢份係乾既，全部炸到勁香口勁脆，去到尾再食都仲保持到脆身。
先有小菜《紫菜海蠣酥》($78)，一黎已經聞到好香既蠔味，包上左紫菜一齊炸，炸得比較乾身不過蠔味都夠新鮮同幾大隻。
主菜有《紫菜燉豬蹄》($98)，果舊豬蹄真係唔係講笑，超大舊超多骨膠原，個湯真係勁多紫菜，飲一啖湯好清甜再咬一啖豬蹄夠滿足。
撈蛋煎永遠都係食中菜至愛，《原味紫菜煎》($68)，蛋身煎得乾身配上大量紫菜帶出香味。
點可以唔叫飯之《漁民紫菜燜飯》($78)，用上左福建漁民的傳統方法去整，將珍珠米、海蠣乾同頭水紫菜一同燜煮，味道夠濃郁同夠鮮味。
呢度既另一味招牌菜《百秒黃花魚》($69)，超快咁用100秒燜煮就可以上菜，已經開左兩邊，方便一整就係食到魚肉，夠淋同食到原汁原味既黃花魚。
最後埋尾《酥炒芋芯》($89)，本來一睇餐牌見到酥炸以為係甜品黎，望真啲原來係炒笑死，用上左好靚既檳榔芋，炒到外皮香脆，而外層帶咸香，入面就係芋芯既甜味，食飽飽為下一年努力。
店名：莆田
地址：鑽石山龍蟠街3號荷里活廣場2樓214舖
餐牌:
Post
