星林居雲南米線餐廳 (Closed)

第一次寫食評，唔可以唔投訴d 職員。食過e 到好多次，之前都ok, 自從開左樓上就開始麻麻地，不過服務都ok。但係今次食，真係忍唔住要鬧。之前做開果個員工走左，換左兩個新人，超有問題。佢地係唔理客，張枱又唔抺，好污衊。晚飯時候都多人，但d 客講野唔係好嘈，反而佢倆講野超大聲，又講埋粗口。食食下有個男人勁大聲叫佢地細聲d, 可想而知有幾多人忍唔住。埋單時，前面有客排隊埋單，佢唔記得拎張單黎俾錢，個職員唔幫佢去拎之餘，仲要話人痴線，點會冇單。我俾錢時，都不知幾想問佢e d 係咩態度。離開門口時，仲聽到佢爆粗。講番食物，比之前差左，咸左d,又貴左，份量又少左。肥牛 + 紫菜幾好食。但如果服務仲係咁，幾好食都真係唔會再幫襯。