瀛豐放題料理專門店

平時銅鑼灣食嘢硬係覺得貴啲😅是晚做完嘢勁肚餓！索性放題侍候！一個價錢任飲任食就唔怕食到over budget啦😝😝揀咗呢間地鐵一出就見到嘅放題店(成人$249@位) 😌另外每位加$138仲可以任食埋即開法國生蠔＆海膽帶子＆任飲生啤‼️梗係唔蝕底加埋啦！. 坐低落完柯打！🦪生蠔就送到啦！即開果然夠新鮮！食落淡淡海水味！仲有海膽帶子！同樣甘甜肥美🤩🤩食食吓刺身拼盤都嚟到啦！片片新鮮之餘仲好有氣勢咁噴住煙上枱可以順便打埋卡😚另外叫咗兩碗足料蟲草花元肉燉雞湯補一補！熟食方面竟然有泰國菜式可以揀！我哋叫咗✨飛天通菜, ✨泰式魚同燒蝦, ✨泰式沙嗲串燒…其中好特別嘅有✨脆皮炸香蕉 (香甜焦脆🍌)另外日式一品料理就叫咗✨ 鹽燒三文魚, ✨芝士年糕, ✨軟殼蟹手捲 等等等！當中叫完又叫嘅有✨三文魚炙壽司(入口即溶嘅魚脂令人回味). 飲品方面Be飲汽水茶飲🥤同行友人就狂飲✨Hoegaarden生啤 同埋罐裝啤酒回哂本😆😆甜品必不可少！除咗甜品櫃嘅甜品杯, 泡芙之外！我哋仲掃埋雪糕雪條至甘心🙌🏻可以飽飽番歸！