荳子 (海壩街) (Closed)

要數荃灣抵食Cafe，一定唔會少得荳子。之前慶祝朋友生日，去左荳子食dinner！黃金蟹肉意大利粉係我最中意食既意粉！個醬汁真係好正，因為加左咸蛋黃，食起來更加香。真係好邪惡，下次要3碟先夠食！三個pizza中，最記得係開心果馬蘇里芝士薄餅配蜂蜜! 因為好小食到甜既pizza，味道都ok既，topping仲有啲開心果碎幾得意。但我都係中意食咸味pizza多啲。南瓜鮮蝦意大利飯，味道算係唔錯，但對我黎講就有啲濟濟地。可能係我唔太好南瓜既關係啦.....食墨魚汁海鮮意大利飯，就係為左食到成排牙黑哂，一齊影張大合照！呢碟就不過不失啦，味道普普通通。黑蒜、蜆肉、帆立貝白酒意大利粉，加左小小白酒真係令個意粉更好食。仲有大大粒帆立貝，相當唔錯呀！