Catee (Closed)

兩個人有時候想搵個地方又要價錢合理，食物質素好，環境舒適，今晚在這裡應該可以滿足到，位置都算方便，門口易認，大大個餐廳名字，裡面燈光柔和夠氣氛，中間位置有部大電視不停播放MV，座位闊落，當然食物先係重點，餐牌內選擇十分之多，一望就見到個set dinner，有湯有沙律、餐飲同甜品加埋個主菜明太子蟹肉蟹籽忌廉汁燴意大利麵，一人份絕對足夠，而今晚兩個人當然要加埋個德國脆皮豬手伴蜜糖芥末及德國酸菜，同個小食拼盤，咁就應該滿足！店員先上麻醬沙律同埋個香濃忌廉栗米湯，再接住就奉上小食拼盤，上面陣容十分內豐富。有大大隻單骨香脆炸雞翼，咬開皮脆肉嫩，炸魷魚圈非常脆口彈牙，仲有香脆的炸薯條，還有好特別嘅炸墨西哥辣椒釀芝士，清新椒味加上濃郁軟熟芝士，真係好食到停唔到口。接住就係明太子蟹肉蟹籽忌廉汁燴意大利麵，呢個真係可以話係啖啖明太子，入口個種啪啪下嘅感覺，配上爽口彈牙嘅意大利麵，啖啖入口都有濃郁嘅忌廉汁粘住每一條麵條，加埋鮮甜嘅蟹肉，材料分量十足！而呢個德國脆皮豬手伴蜜糖芥末及德國酸菜，上菜時店員會先插住把刀在未切嘅脆皮豬手，絕對係打卡位，影完相交回店員，她們會幫忙交回廚房切開再上枱，十分細心！脆皮豬