極尚大瀛喜日本料理 (Closed)

臨近冬至同家人去CP值高既銅鑼灣極尚大瀛喜日本料理食放題，一個價錢就可以歎盡不同美食、美酒，爽～餐廳以QR code 落單，方便又快捷。另設有自助區提供多款前菜 、海鮮冷盤、甜品及飲品等，連清酒、梅酒都係任飲架。仲有大人同小朋友都鍾意既夾糖頭盤刺身不可少，有十多款選擇，款式夠多又新鮮，基本既三文魚、吞拿魚、帶子、赤貝當然全部不缺。推介︰酒煮榮螺片- 鮮甜又清爽想特別D既，可以試下冰鎮花海蜇刺身，超爽口除左刺身、火炙壽司、燒物及鍋物等，仲有不少回本美味。當中必試︰殿堂宴客醉鮑魚 - 一口鮑魚酒味香濃、肉質爽口彈牙(靜靜雞講你知... 我食左10隻)蒜蓉醬烤扇貝 - 扇貝肉厚，每隻都掛滿最愛既蒜蓉，濃香中不失鮮美。最後當然要食返幾枝雪條，過下癮。