去到環境唔錯，出面又涼涼地幾舒服，服務員收盤快～完全夠位比你係不斷拎野食果隻🤨
一開始我就揀左個燉湯飲先
雪耳椰子燉雞
個湯好好飲好正，湯渣足料，完全岩晒我呢d會食埋湯渣既人
見到熱盤呢個螺非常吸引
原來入面係薯蓉，以我既估計佢應該係加左螺肉，不過比陣薯蓉味蓋過晒唔係好食到有螺味
呢個西湯海鮮濃湯
超正，搞到我飲左2碗
刺身算多款選擇，有海老、正三文魚、北寄貝、墨魚同帶子。味道普普通通
冷盤海鮮
有蝦，龍蝦，小龍蝦，龍蝦鉗，青口，蜆，蝦，長腳蟹
個人認為個蝦好食到不得了，龍蝦就反而係龍蝦鉗最好食～長腳蟹好有蟹味，而且比起出面食無禁咸
熱盤整體黎講算唔錯，鵝肝佢煎到好脆，好食，不過佢無多士配所以食唔到好多舊
最後甜品，佢好多榴連揀，但我品食榴連😂朋友試完就話一般無特別，而我揀左m字頭既雪糕，同埋個荔枝啫喱食
總括而言，淨係食冷盤同熱盤都值回票價
