Castle Cafe (Closed)

今日同朋友上完興趣班過就喺附近搵嘢食,行經呢間餐廳望落都幾骨子,入面都唔少人,見個午餐價錢都幾實惠就試下。朋友揀咗德國黑椒蜜糖豬手餐，我就揀咗薄燒紐西蘭牛扒餐。好快食物就準備好，個份量都好多，非常之超值而且食物味道都好。豬手好大件，皮脆多肉唔會太肥，食落夠晒香口仲帶有少少甜味，配埋蒜蓉汁意粉，好味。我個牛扒亦都好大份跟咗曲薯條，牛扒雖然無揀成數但都煮得岩岩好又唔會鞋口，啖啖肉，配埋曲薯夠晒滿足。我地仲加少少錢就升級配紅豆冰同埋花茶。 佢個花茶非常之好味，佢係桂花烏龍茶包配荔枝汁，飲落特別清香同清甜，高質素！朋友都話個紅豆煮得夠晒淋，好好味。兩杯飲品都昇華左我地呢餐嘅滿意程度！