泰皇芝心蝦丸
特愛芝士，所以試下，食落之後，最愛唔係芝士，亦唔係蝦，而係佢炸得超好既外皮，唔過火，熱辣辣食，係幸福滿足既感覺。(如果平D會更好)
白酒忌廉煮花甲配烏冬
未食已經聞到超香既酒味，見到就知道落足料！濃郁既忌廉加酒香，連埋烏東已經一流，加埋花甲既鮮，ＣＰ值超高既一道菜。
必食豬扒
超超超好味既豬扒，呢個名無改錯呢！洋蔥、汁、魚仔既配搭，最正係豬扒既柔軟係其他地方係揾唔到，無誇大其詞，真係必食之選。(配飯一流)
蒜蓉粉絲大元貝
嘩！比想像中大隻好多，配合原汁原味既食法，鮮味好突出，食海鮮必食，因為食呢個實知新唔新鮮。
